Accessibility links

шимбә, 10 декабрь 2016, Казан вакыты 06:11

Yevgeniy Primakov Qazanğa kilä


Yevgeniy Primakov Qazanğa kilä

Häm, nihayät, pänceşämbe kiçendä Qazanğa Rusiäneñ mäğlüm säyäsätçese Yevgeniy Primakov kilä, dip iğlan itelde. Ul Qazanğa Rusiäneñ säwdä-iqtisad palatası prezidentı sıyfatında kilä häm Tatarstan säwdä-sänäğät palatasınıñ 10 yıllıq bäyrämendä qatnaşa. Şulay da, anıñ Qazanda Mintimer Şäymiev belän oçraşaçağı bu vizitnıñ säyäsi tösmerläre dä bulaçağın raslıy.

Menä şulay säyäsi waqiğalär quyırğannan quyıra bara. Ä inde sivil xalıq ğadi awıl xalqı nişli ikän dip sorasağız, moña Tatarstan yäşläre gazetasınıñ pänceşämbe sanında çıqqan “Şawlamağız, awılda uraza” digän mäqälädän ber özek kiterü urınlı bulır ide: “Awıl xalqı urazada. Mäskäw waqiğaläre, bäyälär kütäreleü, dönya, balalar mäşäqäte, 40-nçı qısır xäsrätkä ük äylänmäsälär dä niçekter artqaraq çigenep, onıtılıp toralar. İñ möhime, niçek tä säxärgä toru, köndezen telne ğaybät, kefer süz söyläwdän tıyıp toru, matur uyda, teläktä yörü, yalğış awızğa rizıq qapmaw, ä kiçen waqıtı citkäç – şartın kiterep iftar qılu, awız açu”, dip başlana älege sawaplı mäqälä.
XS
SM
MD
LG