Accessibility links

шимбә, 3 декабрь 2016, Казан вакыты 03:29

Qazan Sovetlar Berlege geroyı Mixail Devyatayev belän xuşlaştı


Qazan Sovetlar Berlege geroyı Mixail Devyatayev belän xuşlaştı

Sişämbe irtäsendä Qazan Sovetlar Berlege geroyı Mixail Devyatayev belän xuşlaştı. Anıñ cenazası Qazan milli-mädäni üzägendä ütkärelde. Anda Tatarstan citäkçelege genä tügel, kürşe Mordva Respublikası citäkçelege dä qatnaştı. Çönki Devyataev milläte belän mordva, ul 1917 yılda Mordoviäneñ Tarbeyewo bistäsendä tuğan. 1938 yılda Qazanğa kilep, yılğa texnikumın tämamlıy häm Qazannan İkençe Bötendönya Suğışına kitä. 1944 yılda ul äsirlekkä töşä häm 1945 yılnı ber törkem xärbi äsirlär belän doşman bombardirovçigın qulğa töşerep Uzidon utrawındağı Zagsinxauzen törmäsennän qaça. Läkin watanına qaytqaç, anı satlıqcan yarlığı tağıp, Stalin törmäsenä ozatalar. Äle 1950 yılda irekkä çığarılğaç ta ul tağın 5-6 yıl satlıqcan isemen yörtä, Qazan yılğa portında işek aldı seberüçe bulıp eşli. 1957 yılda aña Sovetlar Berlegeneñ ataqlı ğalime ğäläm korabları konstruktorı Sergey Korolev yärdämgä kilä. Devyatayev aqlana, aña xätta Sovetlar Berlege geroye iseme birelä. Soñğı yıllarda Devyatayev jurnalistlarğa veterannar, pensionerlarnıñ awır tormışı turıda yış söyli ide. Şunı äytergä kiräk, Devyatayev ütkänenä tuğrı qalıp, qırğıy kapitalizm sistemasına mädxiä uqi almadı. Bar döreslekne söylämäsä dä, üzen ük qorban itkän sistemanıñ fanat ber soldatı ide ul. Xäzer andıy üzen qorban itä alırday soldatlar yuqtır inde. Kontraktçılarınnan häm morader ofitserlarınnan Rusiä karusız xezmät tälap itä alamıy, dip yazıla İntertat.ru säxifäseneñ “Soñğı soldat mordva geroye Devyatayev arabızdan kitte” digän yazmasında.
XS
SM
MD
LG