Accessibility links

пәнҗешәмбе, 8 декабрь 2016, Казан вакыты 12:59

Mintimer Şäymiev rus cämğiäte wäkilläre belän oçraştı


Mintimer Şäymiev rus cämğiäte wäkilläre belän oçraştı

27 noyäbr, çärşämbe könne Qazan Kremlendä Mintimer Şäymiev Tatarstandağı rus cämğiäte wäkilläre belän oçraştı. İsegezgä töşerep ütik, küptän tügel genä Tatarstannıñ rus cämğiäte Rusiä prezidentı Vladmir Putinğa xat belän möräcäğät itkän ide. Anda alar Tatarstan respublikasında urıslarnıñ xäle bik möşkel, çirkäwlärne cimerälär, xakimiättä urıslarnıñ sanı az, mäktäplärdä urıs telenä qarağanda tatar tele kübräk öyrätelä, ğömümän urıslarğa Tatarstanda yäşärgä bik awır, dip yazğannar ide. Mondıy xatnıñ yazıluı oçraqlı tügel. Çönki 30 avgustta Putin tatar kongressı delegatları belän oçraşqanda, Başqortostanda tatar bulu ciñel tügel digän fiker äytelgäç, Rusiä prezidentı, törle töbäklärdä yäşäwçe başqa millät wäkilläreneñ tormışı da älli ni ciñel tügel, digän añlatma birgän ide. Rusiä prezidentı Başqortostanda yäşäwçe tatarlarnıñ problemaların inqär itmäde. Läkin cayı çıqqanda, Mäskäwdäge çeçennarğa, Tatarstandağı urıslarğa räxätme soñ, digän soraw quydı.

Tatarstan matbuğatında Rusiä prezidentınıñ Qazan Kremlendä oçraşqan waqıtta da rus milläten onıtmawın tabiği xäl dip qaradılar. Ämmä, Tatarstandağı ruslarnıñ xäle turında täfsille häm dälille beleşmä älegä qädär dönyağa çıqqanı yuq. Bik küplär Tatarstanda xäzerge şartlarda da rus tele, rus mädäniäte östenlek itä, dip sanıy. Şulay da, aldan äytkänebezçä, Russkaya obşçina häm başqa oyışmalarnıñ wäkilläre Mäskäwdä terroristlar totıqlar alğannan soñ, säyäsi yaqtan aktivlaşıp kitep, Putinğa xat yazğan idelär. Çärşämbe könne Şäymiev rus cämğiäte wäkilläre belän söyläşkändä urtaq tel häm konstruktiv ğämällär tabılğanmı soñ? Bu xaqta kiläçäktä täfsilleräk xäbär birerbez. Xäzergä şunısı mäğlüm – Tatarstan uruslarınıñ xälen ayanıçlı dip äytep bulmasa da, alarnıñ çirkäwlärne qaytarıp alu, rus telen häm fol'klorın öyränü turındağı ğözerläre xakimiät tarafınnan citdi qabul itelgän häm kiräkle çaralar küreläçäge turında äytelgän.
XS
SM
MD
LG