Accessibility links

якшәмбе, 4 декабрь 2016, Казан вакыты 03:00

Bötendönya tatar xatın-qızlarınıñ «Aq qalfaq» oyışmasınıñ utırışı uzdı


Bötendönya tatar xatın-qızlarınıñ «Aq qalfaq» oyışmasınıñ utırışı uzdı

İnde xäbär itkänebezçä, sişämbe könne Tatar kongressı binasında «Aq qalfaq» berläşmäseneñ idärä utırışı ütte. Bötendönya tatar xatın-qızlarınıñ «Aq qalfaq» assotsiätsiäse 10 yıl elek oyışqan ide. Şuşı yıllar däwamında «Aq qalfaq»nı jurnalist häm cämäğät eşleklese, Tatarstan xalıq deputatı Roza Tufitulova citäkläde. Küptän tügel berläşmä üzeneñ citäkçesen alıştırdı. Anıñ yaña citäkçese bulıp Kämäriä xanım Xämidullina saylandı. Sişämbe könne ütkän cıyılışta idarä äğzaları Tufitulovanıñ tatar xatın-qızları xäräkätenä kertkän öleşen yuğarı bäyäläp, aña räxmät belderdelär. Kongressnıñ başqarma komitetı citäkçese Rinat Zakirov Roza xanıma zatlı räsem büläk itte. Annan soñ idarä utırışında yaña citäkçe üzeneñ yardämçelären rasladı, eş yünäleşlären bilgeläde, soñğı arada eşlänelgän eşlär belän tanıştırdı:

”Kongresstan soñ ütkän berniçä ayda «Aq qalfaq» oyışması Başqortostannan, Yekaterinburdan, Mäskäwdän kilgän qunaqlar belän oçraştıq, alarnı Qazan belän tanıştırdıq. Alarğa yakşämbe mäktäpläre öçen bik küp kitaplar, metodik äsbaplar, programmalar cıyıp cibärdek. Uktäbr ayında Sankt-Peterburgqa barıp, andağı «Nur» häm «Aq qalfaq» oyışmaları wäkilläre belän oçraştıq. Tatarstannıñ andağı daimi wäkile belän respublikadağı tatar gimnaziäläre uqıtuçıların häm uquçıların Sankt-Peterburgka ekskursiälärgä alıp baru turında söyläşülär buldı. Kiläçäktä «Aq qalfaq» oyışması Tatar kongressı belän bergälektä «Äniem tele — anam tele» digän zur konferensiä ütkärergä cıyına.”

Sez tatar xatın-qızlarınıñ «Aq qalfaq» oyışması citäkçese Kämäriä Xämidullinanı işettegez.

«Azatlıq» radiosı öçen Tatarstan xäbärläre belän Qazannan Gölnaz İlgizär.
XS
SM
MD
LG