Accessibility links

Кайнар хәбәр

Pänçeşämbedä Tatarstan Däwlät Şurasınıñ 13-nçe plenar sessiäse däwam itte


Pänçeşämbedä Tatarstan Däwlät Şurasınıñ 13-nçe plenar sessiäse däwam itte

28 noyäbr könne Qazanda Däwlät Şurasınıñ 13-nçe plenar sessiäse eşen däwam itte. İnde xäbär itkänebezçä, töp mäs’älä — 2003 yılğa Tatarstan respublikası büdjetı turında qanun proyektı. Ul berençe uqılışta täqdim itelä. Şulay itep, ağımdağı atnanıñ cämäğätçelekne iñ qızıqsındırğan waqiğa kul'minatsion noqtasına citte. Äle federal' üzäkneñ soñğı waqıtta belderelgän başlanğıçları, Tatarstanğa qağılışlı qabul itkän qayber qanunnarı Däwlät Şurasınıñ bu plenar sessiäsen tağın da qızdırıp cibärde. 2003 yıl büdjetı kierenke. Anda 10 protsentlap büdjet qıtlığı qaralğan. Şuña kürä, plenar utırış barğan Däwlät Şurası binasınıñ zur zalında küptän kürelmägän anşlag ide. Anıñ eşendä prezidentnı, xökümät, şähär citäkçelären, ğalimnärne, zıyalılarnı, cämäğät eşleklelären kürergä bula ide. Utırışqa kilüçelärne Däwlät Şurası binası qarşında «Sozidanie» xäräkäte oyıştırğan piket qarşıladı. Alar fän häm mädäniätneñ wafatın, qäberen taswirlağan şiğarlär, räsemnär kütärep toralar ide. Monısı şul büdjetnıñ tağın ber probleması - fängä, mäğärifkä, mädäniätkä çığımnarnı kimetügä mönäsäbät ide.
XS
SM
MD
LG