Accessibility links

шимбә, 3 декабрь 2016, Казан вакыты 18:45

Restoranda — iftar mäclese


Restoranda — iftar mäclese

Mäğlüm ki, İzge Ramazan ayında iftar mäclesen oyıştıru sawaplı ğämällärdän sanala. Moña xätle andıy mäcleslär ğädättä mäçet-mädräsälärdä, ayırım ğailälärdä uza ide. Menä xäzer bezneñ cirlektä dä iftarnı kafelarda, restorannarda uzdıru ğädätkä kerä başladı. 27 noyäbrdä urazanıñ asıl sıyfatların, fazıylättlären yaxşı añlağan Tatarstan möselmannarı Diniä nazäräte citäkçeläre, xalıq deputatları, tanılğan yazuçı häm jurnalistlar Qazannıñ «Aqçarlaq» restoranında iftar mäclesen uzdardılar.

Şunısı qızıq, älege yañalıqnı başlap cibärüçelär rusça häm törekçä näşer itelüçe «Dialog Awraziä» jurnalı xezmätkärläre. «Zaman-Tatarstan» gazetası redkollegiäse, Tatarstan Diniä nazäräte, yazuçılar häm jurnalistlar berlege yärdäm itkännär. Näticädä moña xätle barı tik xämer eçüne, isereşep cırlap-biüne genä kürgän restoran diwarları berençe tapqır möselmança uzdırılğan mäclesne ziarät ittelär. Bu kiçädä çığış yasawçılar ildäge säyäsätneñ awır başı yış qına möselman qärdäşlärebezneñ cilkäsenä töşüen iskärtep üttelär. Tatarstan möftie Ğosman xäzrät mäclesne tämamlap, urazanıñ soñğı un könen cähännämnän qotılu könnäre dip atadı, anıñ tän wä cannıñ zäqyätı buluın iskä aldı. Möfti ”Zaman” gazetınıñ din tormışına kiñ urın birüen maqtap ütte.
XS
SM
MD
LG