Accessibility links

Кайнар хәбәр

Qazan şähär şurasında mädäniät xälenä tänqit belderelde


Qazan şähär şurasında mädäniät xälenä tänqit belderelde

Qazan şähär şurasınıñ 13. sessiäse düşämbe könne başlandı häm anıñ berençe köne tulayım mädäniätkä bağışlandı. Sessiädä kürenekle cämäğät eşlekleläre, artistlar, muzıkantlar qatnaştılar häm çığış yasadılar. Çığışlarnıñ kübese tänqitçän buldı. Çığış yasawçılar bigräk tä Qazannıñ tarixi urınnarı sütelüe, cimerelüenä borçılu belderdelär. Yäğni, Qazan tarixi arxitekturasın, milli yözen yuğalta bara. Mädäniät kommersiäläşä. Televizion kanallar köne-töne popsa äyländerep tora, klassik muzıkağa urın az qala. Kino, teatr, kitaplar küpçelek xalıq öçen ireşä almaslıq äyberlärgä äylänä bara. Çönki alar bik qimmät, şul uq böten respublikağa şawlatıp açılğan basket-holldan da “bu bezneñ pensiägä kerep qarıy torğan närsä tügel ikän”, dip borılıp kitkän keşelär bulğan. Çönki bilet bäyäse 200 sum çaması bulır dip farazlana. Menä şundıy tänqit çığışlardan soñ 2003-2005 yıllarğa Qazanda mädäniät üsterü häm 2003-2006 yıllarğa sälämätlek häm sport üseşe programmaları qabul itelde.
XS
SM
MD
LG