Accessibility links

пәнҗешәмбе, 8 декабрь 2016, Казан вакыты 21:20

Tatarstanda invalidlar dekadası başlandı


Tatarstanda invalidlar dekadası başlandı

Bilgele bulğança, 3 dekaber — Xalıqara invalidlar köne bularaq bilgeläp ütelä. Tatarstanda bu waqiğadan çittä qalmıylar. Sişämbe könne respublikada invalidlar dekadası başlandı. Anıñ räsmi açılışı Qazannıñ Kaçalov teatrı binasında ütte. Tatarstanda 17 keşeneñ berse — mömkinlekläre çikle keşe. Şularnıñ kübese — balalar häm yäşlär. Şuña kürä, respublikada 13 balalarnıñ, 5 yäşüsmerlärneñ reabilitatsiä üzäge eşläp kilä, dip xäbär itä «Tatar-inform» agentlığı. Kiläçäktä alarnıñ sanı 10-15кђ kübäyer, dip kötelä. Şuşı dekada uñayennan respublikada törle çaralar ütkärelä. Menä sişämbe könne, mäsälän, Tübän Kamada 27 invalidqa ör-yaña «Oka» maşinasınnan açqıçlar tapşırıldı. Yıl axırına qädär şundıy uq büläkne tağın berniçä distä keşe alaçaq. Ä Milli muzey älege dekada qısalarında mädäni unkönlek ütkärä. Muzeyda törle kürgäzmälär, açıq işek könnäre, leksiälär ütäçäk. Çärşämbe könne «Qazan» milli-mädäni üzägenä Qazannıñ Vaxitov rayonında yäşäwçe mömkinlekläre çikle keşelärne bäyrämgä çaqırdılar. Alarğa anda bäyräm konsertı täqdim ittelär, büläklär tapşırdılar. Şulay itep, älege könnärdä Tatarstanda mömkinçelekläre çikle keşelärgä mönäsäbät üzgärde. Härxäldä, xaqimiät tarafınnan bulsa da alarğa bu arada iğtibar kübräk kürsätelä. Läkin yazmış tarafınnan da kimsetelgän älege keşelär yärdämgä, bulışlıqqa yılğa 10 köndä genä moxtac tügel, älbättä. Cämğıät tä, xaqimiät tä monı invalidlar dekadası ütkäç tä onıtmas, dip ömetlänäse genä qala.
XS
SM
MD
LG