Accessibility links

якшәмбе, 11 декабрь 2016, Казан вакыты 07:12

Xalıq frontı häm BTIÜ Xäter könen Tatarstanda yal köne itergä täläp itä


Xalıq frontı häm BTIÜ Xäter könen Tatarstanda yal köne itergä täläp itä

Soñğı arada respublikada törle möräcäğätlär qabul itü, açıq xatlar cibärü ğädäti eşkä äwerelde. Rusiädä tellär turındağı qanunğa latinğa qarşı kertelgän östämälär uñayennan qabul itelgän qayber möräcäğätlär belän bez sezne inde tanıştırğan idek. Çärşämbe könne Bötentatar ictimağıy üzägennän bezgä tağın ber möräcäğät kilep ireşte. Ul Tatar ictimağıy üzäge prezidiumı häm Tatarstannıñ Xalıq frontı tarafınnan qabul itelgän. Älege möräcäğät prezident Mintimer Şäymiev, Däwlät Şurası räise Färit Möxämmätşin, premyer-ministr Röstäm Miñnexanov häm Qazan şähäre başlığı Kamil İsxakovqa yullanğan. Anda süz Xäter köne turında bara. Älege öndämäneñ avtorları 15 oktäber — Xäter könen Tatarstanda yal köne itüne täläp itälär. Älege täqdim bıyıl ütkän Xäter köne waqıtında meñlägän qatnaşuçılar tarafınnan qabul itelde, dip äytelä anda. Şulay uq cämäğätçelek isemennän Tatarstan Xalıq frontı häm Tatar ictimağıy üzäge wäkilläre Qazannı yaulap alğanda şähit kitkän babalarıbızğa häykäl quyıp, muzey açunı da täläp itälär.
XS
SM
MD
LG