Accessibility links

Кайнар хәбәр

«Sez Tatarstannıñ guberniä buluın telisezme?»


«Sez Tatarstannıñ guberniä buluın telisezme?»

Comğa könne dönya kürgän «Восточный экспресс» gazetası «Sez Tatarstannıñ guberniä buluın telär idegezme?» digän soraw belän qazanlılarğa möräcäğät itüe xaqında yazıp çıqtı. Anıñ näticäläre uylandırırlıq wä ğacäpländererlek, «Äye» dip cawap birüçelär şaqtıy - qazanlılarnıñ här öçençese. 29% bu sorawğa cawap birä almağannar. Alar citärlek mäğlümat bulmawına sıltaw yasağannar.«Yuq» dip äytüçelär 38%. «Äye» diyüçelär arasında yäşlär häm xatın-qızlar kübräk ikän. Gubernizatsiä turında xıyallanğan Jirinovskiy, dimäk, bötenläygä nigezsez närsälär turında söylämi.

Bügengä köçlelärne köçsezlär belän quşu, ber tärtägä ayu belän käcäne cigüne xäterlätkän plannarnı küpçelekneñ xuplamawı söendersä dä, küñeldä şik qala birä. Küp tä ütmäs, federal' üzäk älege xıyallarnı matur känfit kägäzenä törep xalıqqa täqdim itä başlar. Çönki küp sanlı wä köçle mäğlümat çaraları üzäk qulında. Ul çaqta fiker alunıñ näticäläre başqaçaraq bulıp çıqmağayı.

Damir Ğismetdin, Qazan
XS
SM
MD
LG