Accessibility links

дүшәмбе, 5 декабрь 2016, Казан вакыты 03:27

Tatar kongressında millättäşlär belän oçraşular uzdı


Tatar kongressında millättäşlär belän oçraşular uzdı

Bu könnärdä Bötendönya tatar kongressında eşlär qızu bara. Uzıp baruçı yılğa yomğaq yasala. Xisap totarğa Tatarstan töbäklärennän kongressnıñ bülekçäläre wäkilläre cıyıla. Comğa kiç biredä ber-ber artlı ike qızıqlı çara uzdı. Kongressnıñ Başqarma komitetı Rusiä töbäklärennän Qazanğa tatar mäktäplärendä uqıtuçı häm uquçılar öçen maxsus ekskursiälär uzdıra başladı. Sarıtaw ölkäsennän kilgän 8 uqıtuçı änä şul izge eşneñ berençe qarlığaçları buldı. BTK räiseneñ berençe urınbasarı İlsur Hidiätullin uqıtuçılarğa Başqarma komitetnıñ eşläre turında söyläde. Süz mäğärif ölkäsendäge problemalar turında da bardı. Oçraşu tämämlanğaç, bez Sarıtawdan kilgän qunaqlar belän söyläşep aldıq.

Awdio: (Uqıtuçılar tatar gimnaziäsendäge, tatar cämäğätçelegendäge problemalar turında söyli).

Kongressnıñ cıyılışlar zalında uzğan ikençe çara – milli xäräkättä aktiv qatnaşuçı Raşat Safinnıñ “Tatar yulı” digän qızıqlı kitabın täqdir itü buldı. “Fikerdäş” klubına cıyılğan zıyalılarıbız avtornıñ çığışın zur iğtibar belän tıñladılar, fiker alıştılar. Biredä süz nigezdä millät yazmışı, bügenge köndä tatar xalqın borçığan mäs'älälär turında bardı.

Awdio: (Avtor milli ideologiäne tudıru, tatar problemasın çişü turında söyli).

Damir Ğısmetdin
XS
SM
MD
LG