Accessibility links

якшәмбе, 4 декабрь 2016, Казан вакыты 13:11

11 dekaberdä Tübän Kama neft' eşkärtü zavodınıñ berençe çiratı eşli başladı


11 dekaberdä Tübän Kama neft' eşkärtü zavodınıñ berençe çiratı eşli başladı

Çärşämbe, 11 dekaber könne, Tatarstannıñ iqtisadına uñay tä'sir yasarlıq zur ber waqiğa buldı. Tübän Kamada neft' eşkärtü şirkateneñ berençe çiratınıñ açışı uzdı. Bu tantanalı häm möhim waqiğada Tatarstan prezidentı Mintimer Şäymiev, respublika premyer-ministrı Röstäm Miñnexanov, Tatarstan spikerı Färit Möxämmätşin häm başqa citäkçelär qatnaştı. Älege zavod yılına 7 million tonnağa yaqın neft'ne eşkärtergä mömkin. Anıñ ikençe çiratı da safqa basqaç, bu kürsätkeç tağın da kübräk, ä anıñ eş sıyfatı tağın da äybäträk bulır, dip kötelä. Bu şirkätneñ tağın ber möhim yağı — ul Tatarstanda çığarıla torğan yuğarı seralı neft'ne eşkärtäçäk. Xäzerge köndä Tübän Kama neft' eşkärtü zavodı respublikağa bik kiräk bulğan yul yasaw öçen bitum çığara.

12 dekaber könne isä Tatarstannıñ tağın ber şirkäte bäyräm itäçäk. KamAZ cämğıäteneñ «Oka» keçkenä litrajlı avtomobillären çığaruçı zavod pänceşämbe könne üzeneñ 15 yıllıq yubileen bilgeläp ütäçäk, dip xäbär itä «İntertat.ru» İnternet gäcite. Älege data berençe «Oka» maşinası cıyılğan könnän sanala. Xäzer älege zavodta 2500 keşe eşli. 15 yıl eçendä anda barlığı 212 meñ avtomobil' yasap çığarılğan. «Oka» bäläkäy genä buluına da qaramastan, xalıqta bik populyar maşina. Şuña kürä, zavod citäkçeläre häm eşçeläre kiläçäkkä optimizm belän qarıy.
XS
SM
MD
LG