Accessibility links

сишәмбе, 6 декабрь 2016, Казан вакыты 17:13

Başqortostanda tatar telendä uquçılar sanı kimegännän-kimi bara


Başqortostanda tatar telendä uquçılar sanı kimegännän-kimi bara

Şulay da, millätneñ bügenge xäle häm kiläçäge, milli xoquqlarnı yaqlaw, respublika yazmışı iñ awırtqan mäsälä bulıp qala. Rusiä xaqimiät organnarı älifba belän mawıqsalar da, tatarlar yäşägän urınnarda mäğärif, mädäniät mäsäläsendäge xoquqlar ütäleşenä iğtibar itmilär. Bu xaqta Başqortostannıñ Dürtile rayonınnan kilgän Damir äfände Şäräfi belän söyläştek.

Audio

Qızğanıçqa qarşı, Başqortostannıñ Dürtile, İleş, Baqalı, Şaran rayonnarı mäktäplärendä dä xäzer tatar tele tügel, ä başqort tele uqıtıla. Şunısın da äytergä kiräk, başqort tele däwlät tele bularaq tügel, ä tuğan tel bularaq uqıtıla. Küptän tügel genä min İleş rayonınıñ Andreevka mäktäbendä buldım. Anda tatar häm rus balaları xäzer başqort telen öyränälär. Tatarlar küpläp yäşägän bu rayondağı mäktäplärdä tatar tele bötenläy uqıtılmıy, disäñ dä bula.

Şulay itep, Başqortostannıñ Könbatış rayonnarında tatar telen uqıtu kimetelä, ä başqort tele däwlät tele bularaq tügel, ä tuğan tel bularaq uqıtıla. Häm Rusiä Däwlät Dumasınıñ, Federatsiä Sovetınıñ, prezident administratsiäseneñ Könbatış Başqortostan tatarları xoquqları belän qızıqsınuı sizelmi. Alarğa älifbanıñ urısça buluı kiräk.

Ber törkem tatar cämäğätçelege wäkilläre älege dä bayağı älifba mäsäläse buyınça belderü yazğannar. Ul rus telendä dönya kürde. Bu möräcäğätneñ rus telendä yazıluı anıñ federal' xaqimiät qolağı öçen äytelüwen kürsätä.
XS
SM
MD
LG