Accessibility links

пәнҗешәмбе, 8 декабрь 2016, Казан вакыты 05:13

Germaniäneñ Bonn şähärendä Äfğanstannı tözeklälderügä bağışlağan xalıqara cıyın açıldı


Äfğanstan prezidentı Hamid Qarzai-üz ilendä –zur üzgäreşlär buluın belderde. Ber yıl elek Bonnda cıyılğan konferentsiädä Talibannı xakimiättän bärep töşergäç ildä yaña idarä buldıru turında kileşende. Qarzai süzlärençä, Äfğanstan xökümäte äle dä üze genä, ildä totrıqlılıqnı tä’min itä almıy. Qarzai, Äfğanstannıñ 70 meñ keşelek qorallı köçlären buldıru turında dokumetqa qul quydı. Uzğan ayda Qabulda bulğan Germaniä tışqı eşlär ministrı Joschka Fischer, konferentsiädä çığış yasap, Äfğanstanda keşe xoquqlarınıñ torışın küzätep baru häm yaxşıraq yäşäw şartları buldıru kiräk, dide, “İslam terrorı” qurqınıçı äle dä qala birä, dide…

İldä imin wazğiätkä yıraq äle. Min monı üzem dä barğanda kürdem. Üzäk xökümätneñ tınıçlıq häm tözekländerü strategiäsenä, böten provinsiälär dä quşılırğa tieş, dide Germaniäneñ tışqı eşlär ministrı Joschka Fischer. Kancler Gerhard Schroeder, Äfğanstanğa äle dä xalıqara yardäm kiräk, dide, läkin üz eşlären xäl itü –xäzer inde Äfğanstannıñ üz eşe, dide. Äfğanstannıñ könbatışında köndäş etnik törkemnär arasında bäreleşlär däwam itte. Şulay uq, ilneñ könyağında, Kandahar şähär başlığı yaqlı köçlär häm politsiä arasında bäreleşlär bulğan , dip xäbär itelä

XS
SM
MD
LG