Bolar barısı da yaxşı, älbättä. Şulay da, respublikanıñ iqtisadi häm säyäsi xäle alay qoyrıq çänçep sikerä torğan tügel. Salımnarnıñ iñ ciñel cıyıla torğanın federal' üzäk alğaç, Mäskäwgä kitä torğan öleş bermä-ber zurayğaç, büdjetnıñ kerem öleşen tuplaw awıraydı. Däwlät Sovetınıñ sessiäsendä aqça bülü bik kiyerenke bardı. Milli mäsälälär häm mädäniät komissiäse räise Räzil Wäliev Ğabdulla Tuqaynıñ “Totsa Mäskäwlär yaqañ” digän şiğıren uqıp, federal' üzäkneñ xäzer dä buğazdan aluı, büdjet aqçalarınıñ üzäkkä kitüe turında äytte. Konstitutsiäne täñgälläşterü mäsäläsendä bu şiğır aktual' yañğırasa da, sotsial'-iqtisadi üseşkä totılası aqçalar turında ğädel ük tügel axırı. Prezident Mintimer Şäymiev maxsus süz alıp, Tuqaynıñ, döresräge Räzil Wälievneñ, sitatası urınlı bulmawın dälilläde.
Tatarstannıñ sotsial'-iqtisadi üseşe buyınça federal' programma buyınça bıyıl Tatarstanğa 10 milliard sum, yäğni barlıq töbäklärgä birelgännän dä kübräk. Çınnan da, Qazannıñ meñyellığına häm respublikanıñ maxsus programmaları buyınça Tatarstanğa aqça şaqtıy cibärelä ikän. Ämmä, bu aqça tağın da kübräk fayda kiterep, salımnarnı arttırırğa tieş. Neft, ximiä, aviatsiä, maşina tözü sänäğäte tağı da üsep kitsä, bu qomğa sipkän su tügel, ä üsä torğan aqça bulaçaq.
Tatarstannıñ sotsial'-iqtisadi üseşe buyınça federal' programma buyınça bıyıl Tatarstanğa 10 milliard sum, yäğni barlıq töbäklärgä birelgännän dä kübräk. Çınnan da, Qazannıñ meñyellığına häm respublikanıñ maxsus programmaları buyınça Tatarstanğa aqça şaqtıy cibärelä ikän. Ämmä, bu aqça tağın da kübräk fayda kiterep, salımnarnı arttırırğa tieş. Neft, ximiä, aviatsiä, maşina tözü sänäğäte tağı da üsep kitsä, bu qomğa sipkän su tügel, ä üsä torğan aqça bulaçaq.
