Accessibility links

чәршәмбе, 7 декабрь 2016, Казан вакыты 11:53

Tatarstanda ruslar niçek yäşi?


Şimbä könne “Vostoçnıy ekspress” gäzite redaksiäse rus cämğiäte räise Aleksandr Salagaev häm tatar oyışmaları wäkilläre belän Tügäräk östäl ütkärde. Anda Vladimir Putinğa cibärelgän xatta häm küptän tügel Mintimer Şäymiev belän oçraşu waqıtında äytelgän faktlar yañadan täfsilläp tikşerelde. Dälille däğwalarnı niçek ütäw, obyektiv bulmağan bäyälärne tögälläw turında zur ğına söyläşü buldı. Däğwalar arasında Tatarstanda rus klassikası säxnädä quyılmıy, rus ädäbiätı matbuğatta basılmıy, rus tele häm ruxı tormıştan qısırıqlana, digän ğibärälär dä bar. Ämmä, ayıq küz belän qarağanda, xällär başqaçaraq. Kaçalov teatrı repertuarında Aleksandr Galin, Vampilov, Ostrovskiy äsärläre bar. Yähüd, gruzin, alman, ingliz, çuaş, mordva mädäniäte häm avtorları rus telendä tamaşaçığa täqdim itelüwen isäpkä alsañ, bigräk tä köçle tä'sir qala. Radioda, televideniedä, uqu yortlarında, fänni uçrejdeniälärdä, zavod-fabrikalarda, däwlät organnarında iñ berençe çiratta rus tele qullanıla. Dimäk, Tatarstanda tatarlarğa yäşärgä ciñelme, digän soraw quyılırğa mömkin. Älbättä, dälillär, argumentlar telendä söyläşergä öyränergä turı kiläçäk. Yuğisä, üz öeñdä, üz teleñnän waz kiçkändä dä ğäyeple qaluıñ mömkin.

XS
SM
MD
LG