Älegä qädär, Berläşkän Millätlärneñ qoral inspektorları üz eşendä ällä ni zur kirtälärgä yulıqmasa da, amerikan prezidentı haman da, Bagdadnıñ xalıqara taläplärgä buysınmawı häm monıñ yaña suğışqa kiterä alu ixtimalı turında söyli. Düşämbe könne ul, saqlanu ministrlığı Pentagonda ilneñ xärbi citäkçeläre aldında yasağan çığışında, Ğiraq yağınnan teläsä nindi totqarlaw, kirtä qoru, buysınmasqa mataşu, Saddam Xösäyenneñ kileşü yulın almawın, solıx yulın kire qağuwın raslayaçaq dip belderde. Kiläse yäkşämbedä, dikäbrneñ 8-enä qädär Ğiraq citäkçelege, üzendä bernindi dä, küpläp yuq itü qoralı häm alarnı qullanu öçen ballistik raketaları bulmawı turında belderü yasarğa tieş, İminlek Şurası qararındağı şartlarnıñ berse şul. Bu uñaydan Quşma Ştatlar prezidentı George Bush, älege belderü ışanıçlı häm tulı bulırğa tieş, yuğisä Ğiraq diktatorı bar dönyağa, üzeneñ elekke xolqın üzgärtmäw yulın saylağanın kürsätäçäk dip belderde.
Audio
Quşma Ştatlarnıñ, prezidenttan qala ikençe yuğarı citäkçese, vitse-prezident Dick Cheney isä, Ğiraq mäs’äläsendä Bushtan da qatırraq belderülär yasıy. Denver qalasındağı çığışında ul Ğiraqnı ğomumän, Osama bin Ladennıñ äl-Qai’dä törkeme belän ber däräcägä quydı. Saddamğa qarşı qırıs çaralar kürüne alğa sörgän Cheney inde küptännän, Bagdadnıñ xalıqara terrorğa bäyle buluwın isbatlarğa tırışa, häm ul soñğı çığışında, Ğiraq, küpläp yuq itü qorallarınnan tulısınça häm monı raslarlıq itep azat itelmäsä, terrorğa qarşı suğışnıñ tögällänüwe xaqında süz dä bula almıy dip belderde. Yä Saddam Berläşkän Millätlär taläplärenä tulısınça buysına, yä Quşma Ştatlar, başqa däwlätlär belän bergä Saddamnı üze qoralsızlandıra dip östäde amerikan vitse-prezidentı. Räsmi Bagdad isä bar şuşı belderülärne dä, Amerikanıñ teläsä niçek üzenä qarşı suğış başlaw öçen sıltaw ezläwe dip bäyäli. Älegä qädär ul, üzendä nindi dä bulsa küpläp yuq itü qoralı bulmawı xaqında belderep kilde. Häm Berläşkän Millätlär Oyışması inspektorların da Bagdad bu yulı, bernindi şartlarsız qabul itte, citmäsä älegä qädär ul alar eşenä kirtälär qormıy. İnspeksiälär anda inde 5-nçe kön bara, läkin älegä qädär qoral küzätüçeläre Ğiraq yağında bernindi dä şikle mäğlümat yäisä dälil taba almadı. Şunıñ sürätendä, häm bigräk tä Ğiraqnıñ älegä şulay kündäm buluwı, hiçyuğı şundıy tä’sir qaldıruwı, Washington, üzeneñ Bagdad belän alıp barğan propaganda suğışında ottıra ala digän farazlar uyattı. Prezident Bush häm vitse-prezident Cheneyneñ soñğı çığışları, Saddamnıñ yänä dönyanı aldarğa tırışuwın faş itü maqsatında yasaldı diyärgä bula. Aq yort, amerikan küzläw oyışmalarında, Ğiraqnıñ qoralları turında yaña mäğlümat bar, häm alar monı, Berläşkän Millätlär inspektorlarına da citkerergä teli dip belderde.
Kärim Kamal, Praga
Audio
Quşma Ştatlarnıñ, prezidenttan qala ikençe yuğarı citäkçese, vitse-prezident Dick Cheney isä, Ğiraq mäs’äläsendä Bushtan da qatırraq belderülär yasıy. Denver qalasındağı çığışında ul Ğiraqnı ğomumän, Osama bin Ladennıñ äl-Qai’dä törkeme belän ber däräcägä quydı. Saddamğa qarşı qırıs çaralar kürüne alğa sörgän Cheney inde küptännän, Bagdadnıñ xalıqara terrorğa bäyle buluwın isbatlarğa tırışa, häm ul soñğı çığışında, Ğiraq, küpläp yuq itü qorallarınnan tulısınça häm monı raslarlıq itep azat itelmäsä, terrorğa qarşı suğışnıñ tögällänüwe xaqında süz dä bula almıy dip belderde. Yä Saddam Berläşkän Millätlär taläplärenä tulısınça buysına, yä Quşma Ştatlar, başqa däwlätlär belän bergä Saddamnı üze qoralsızlandıra dip östäde amerikan vitse-prezidentı. Räsmi Bagdad isä bar şuşı belderülärne dä, Amerikanıñ teläsä niçek üzenä qarşı suğış başlaw öçen sıltaw ezläwe dip bäyäli. Älegä qädär ul, üzendä nindi dä bulsa küpläp yuq itü qoralı bulmawı xaqında belderep kilde. Häm Berläşkän Millätlär Oyışması inspektorların da Bagdad bu yulı, bernindi şartlarsız qabul itte, citmäsä älegä qädär ul alar eşenä kirtälär qormıy. İnspeksiälär anda inde 5-nçe kön bara, läkin älegä qädär qoral küzätüçeläre Ğiraq yağında bernindi dä şikle mäğlümat yäisä dälil taba almadı. Şunıñ sürätendä, häm bigräk tä Ğiraqnıñ älegä şulay kündäm buluwı, hiçyuğı şundıy tä’sir qaldıruwı, Washington, üzeneñ Bagdad belän alıp barğan propaganda suğışında ottıra ala digän farazlar uyattı. Prezident Bush häm vitse-prezident Cheneyneñ soñğı çığışları, Saddamnıñ yänä dönyanı aldarğa tırışuwın faş itü maqsatında yasaldı diyärgä bula. Aq yort, amerikan küzläw oyışmalarında, Ğiraqnıñ qoralları turında yaña mäğlümat bar, häm alar monı, Berläşkän Millätlär inspektorlarına da citkerergä teli dip belderde.
Kärim Kamal, Praga