Accessibility links

якшәмбе, 11 декабрь 2016, Казан вакыты 07:25

Rusiädä däwlät tellärendä kirillitsa ğına qullanu turındağı tözätmägä Bötendönya tatar kongressı…


Älbättä, kön üzägendä latin grafikasına nigezlängän älifba yazmışı. Mäğlüm ki, Tatarstan xalıq deputatları Rusiä prezidentına Däwlät Duması qabul itkän häm Federatsiä Şurası xuplağan “Rusiä Federatsiäse xalıqları telläre turındağı” qanunğa östämälär turında qanunnı raslamasqa digän öndäw möräcäğäte belän çıqtılar. Uzğan atna azağında Bötendönya tatar kongressı Başqarma komitetı şulay uq Rusiä prezidentına möräcäğät qabul itte.

Tatar-inform agentlığı 3 dekaber dönya kürgän xäbärlär cıyıntığında monıñ turında bolay yaza. Bötendönya tatar kongressı Başqarma komitetı “Rusiä Federatsiäse xalıqları telläre turında” zakonına östämäneñ federativ mönäsäbätlärgä zıyan kiterüen iskä alıp, Bötendönya tatar kongressınıñ ikençe (1997) häm öçençe (2002) qorıltaylarınıñ tatar telen latin grafikasına küçerü turındağı qararınnan çığıp, şul uq waqıtta Rusiä Federatsiäse Konstitutsiäsen xörmät itep häm xalıqara xoquqlarğa tayanıp, bu xäl küñelsez näticälärgä, keşe häm xalıqlar xoquqın bozu pretsidentın buldıruğa, Rusiädä demokratiäne qısuğa kiteräçäk, dip isäpli. Süz uñayınnan şunı da äytergä kiräk, “Azatlıq” radiosınıñ Qazan bürosına mäğlüm bulğança, älege möräcäğät düşämbe könne Mäskäwdä Rusiä prezidentı apparatına tapşırılğan inde.

XS
SM
MD
LG