Accessibility links

шимбә, 3 декабрь 2016, Казан вакыты 07:42

Musa Cälil, Ğaynan Qormaşev törkemnäre “Faşizmğa qarşılıq” xäräkätendä qatnaşuçılar dip tanıldı


Köndälek räsmi xäbärlär Tatarstan prezidentı matbuğat üzägeneñ Rusiä-Almaniä duslığı ligası şurası räise Andrey Rumyansevtan kilgän räxmät xatı belän başlana. Älege liga belän respublika xaqimiäte şağir Musa Cälil istälegen mäñgeläşterü xaqında 1995 yıldan birle elemtägä kergän häm xezmättäşlek itä ikän. Başta Berlinğa metaldan qoyıp yasalğan Musa Cälilgä bağışlanğan istälek taqtası tapşırılğan. Älege liga yärdäme belän Almaniä xaqimiäte belän soñğı yıllarda alıp barlığan söyläşülär häm xat alışular näticäsendä älege istälek taqtası bıyıl Berlinda faşizmğa qarşılıq memorialında quyılğan.

Bıyıl oktäber ayında premyer-ministr urınbasarı Zilä Wäliewa citäkçelegendäge delegatsiä şuşı cälilçelärgä bağışlanğan ekspozitsiäne açu tantanasında qatnaşqan ide. Häm menä şuşı könnärdä Rusiä-Almaniä duslığı ligasınnan kilep citkän xatta älege ekspozitsiä açılğannan birle waqıt eçendä Berlinda arxivlarda ber bik möhim dokument tabıluı turında äytelä. Bu dokument 1944 yılnıñ 12 fevralendä cälilçelärne cazalaw turında tribunal qararı. Anda cälilçelär reyxnıñ xärbi qüäten qaqşatqan öçen cazağa tartılalar dielgän bulğan. Menä şunıñ nigezendä cälilçelär törkeme, tatarlar törkeme “Faşizmğa qarşılıq” xäräkätendä qatnaşuçılar dip tanılğannar häm monıñ xaqında Berlin pressasında “qarşılıq xäräkätendä tatarlar” digän mäqälädä çıqqan. Berlindağı memorialda Musa Cälil häm Ğaynan Qormaşev törkeme turında elektron bazası buldırıldı. Bezneñ watandaşlar haläk bulğan urında Musa Cälilgä, Abdulla Alişqa häm törkemneñ başqa äğzalarına bağışlanğan stend açıldı. Ekspozitsiäne äzerläwdä häm elektron versiäneñ barlıq etaplarında Rusiä tışqı eşlär ministrlığınıñ Mäskäw däwlät xalıqara mönäsäbätlär institutı professorı Abdulxan Äxtämcan qatnaştı, dielä Berlinnan kilgän xatta häm Rusiä-Almaniä duslığın nığıtuda xezmättäşlek öçen räxmät äytelä.

XS
SM
MD
LG