Accessibility links

якшәмбе, 4 декабрь 2016, Казан вакыты 19:33

Yevropa Komissiäse bügen möhacirlek mäs’äläsendä üz täqdimnären yasadı


Yevropa Berlegeneñ 15 äğzası tarafınnan qabul itelgän xäldä, älege täqdimnärdän soñ, migratsiä-Yevropa illäre öçen iñ küp iğtibar birgän mäs’älälärneñ berse bulaçaq. Berlekneñ tışqı mönäsäbätlär kommissionerı Chris Patten, Yevropa Berlege äğzaläre häm alarnıñ partnerları öçen, legal häm legal bulmağan immigratsiäne kontrol itü-ikese dä möhim, dip belderde.

Xalıqnıñ küçep yörüe, Yevropa öçen genä tügel, bezneñ xezmättäşlärebez öçen dä säyäsi baqımnan bik möhim. Tışqı säyäsät häm Yevropa programmaları qısalarında migratsiä mäs’älälären añlau- Yevropa Berlege eçendä migratsiä belän eş itüne ciñeläytäçäk, dide Chris Patten

Komissiä täqdimnäre arasında, Yevropa Berlege, üzeneñ üseş programmaların tözegändä möhacirlek mäs’älälärenä töp iğtibar birergä turındağısı da bar. Şulay uq, Yevropa Berlegenä kermägän däwlätlär belän kileşülärne qabat qarap çığarğa täqdim itelä. Täqdimnärne yañğratqan Berlekneñ yustitsiä häm eçke eşlär komissionerı Antonio Vitorino, Berlek, kiläçäktä üzeneñ üseş programmaların tikşerergä tieş, häm migratsiä mäs’äläsendä xezmättäşlek bulmasa-açqalar başqa cirgä küçerelergä tieş, dide.

XS
SM
MD
LG