Uzğan ayda İnguşetiädä yabılğan qaçaqlar lagerennän kitergä mäcbür bulğan çeçennarnı Berläşkän Millätlär Oyışmasınıñ qaçaqlar komitetı xezmätkärläre başqa cirlärgä urnaştıru belän mäşğül.
Komitetnıñ matbuğat wäkile Kris Janowski, Rusiä räsmiläre, Oyışmanıñ, meñ yarım qaçaq yäşägän lagerne äle yapmıy torırğa digän üteneçne sanğa suqmadı, dip belderde.
Aki-Yurttagi İman lagere xäzerge waqıtta buş, qaçaqlarnıñ yaqınça yartısı yäşär urın tapmağan. Qaçaqlarnıñ qayberläre Çeçnyağa qaytqan dip farazlana.
Rusiädäge Memorial keşe xoquqları oyışmasınıñ cirle bülekçäse başlığı Äxmäd Baraxoev, qaçaqlarğa, elektr utı häm gaz tä’minatı tuqtatıla digän xäbärlär qaçaqlarnı lagerdan kitergä mäcbür itte, dide
