Bügen meñlägän Çexiä awıl xucalığı eşçännäre başqala Praga uramnarına çığıp, Yevropa Berlegennän başqa illär belän ber tigez subsidiälär taläp itte. Politsiä birgän mäğlümatlärgä qarağanda Pragağa böten Çexiädän 15 meñläp keşe cıyılğan. Alar, Yevropa Berlegenä qarşı şiğarlär totıp şähärneñ üzäk uramnarı buylap uzdı. Awıl Xucalığı ministrlığı qarşında cıyılıp binağa yomırqa häm bäräñge attı.
Çexlar, Slovakiä häm Polşa fermerları kebek ük, üzlärenä äğza-däwlätlärgä birelgän aqçanıñ çirege genä bülenüenä qarşı. Elekke äğzalär belän tigez külämdä aqçanı, yañaları 10 yıldan soñ ğına ala alaçaq. Çex fermerları, aña qadär bik küp xucalıqlar bölgenlekkä töşep eşlären tuqtataçaq, dip qurqa. Kiläse atnada Kopenhagenda uzaçaq Yevropa Berlege summitında, Berlekkä 10 yaña äğza, şul sanda Çexiä dä çaqıru alaçaq. Awıl xucalığına finans yardäm mäs’äläse äle dä qarşılıqlar tudıra. Protest çaraları bügen Yevropa Kommisiäseneñ Slovakiädäge başfatirı qarşında da uzdı.
Çexlar, Slovakiä häm Polşa fermerları kebek ük, üzlärenä äğza-däwlätlärgä birelgän aqçanıñ çirege genä bülenüenä qarşı. Elekke äğzalär belän tigez külämdä aqçanı, yañaları 10 yıldan soñ ğına ala alaçaq. Çex fermerları, aña qadär bik küp xucalıqlar bölgenlekkä töşep eşlären tuqtataçaq, dip qurqa. Kiläse atnada Kopenhagenda uzaçaq Yevropa Berlege summitında, Berlekkä 10 yaña äğza, şul sanda Çexiä dä çaqıru alaçaq. Awıl xucalığına finans yardäm mäs’äläse äle dä qarşılıqlar tudıra. Protest çaraları bügen Yevropa Kommisiäseneñ Slovakiädäge başfatirı qarşında da uzdı.
