Accessibility links

Кайнар хәбәр

Törkiä kiläse atnada Yevropa Berlege summitında ilneñ Berlekkä qabul itelüe öçen söyläşülär başlau köne bilgeläner dip kötä


Törkiä citäkçelege Yevropa Berlegennän Berlekkä qabul itelü turında söyläşülär başlau köne bilgelänmi torıp, Änkara başqa ber nindi dä täqdimnär qabul itelmiäçäk, dip belderä. Anadolu mäğlümat agentlığı, xökümät başlığı Abdullah Gül süzlären kiterep, Tärkiäneñ teläge şunnan kim tügel, dip xäbär itte. Törkiäneñ xakimiättäge Ğadellek häm Tärräqiät partiäse citäkçese Tayyip Erdoğan, köndälek Radikal basmasına, ber nindi şartlar qabul itelmi, dip äytkän.

1999nçı yıldan birle Yevropa Berlegenä namzät itep sanalsa da, Törkiä Berlek belän keşe xoquqları torışı turında söyläşülär başlarğa tieş. Qayber Yevropa däwlätläre dä Törkiäneñ Berlekkä kerergä äle äzer tügellegen belderä. Kiçä Fransiä prezidentı Jacque Chirac häm Germaniä kantslerı Gerhard Schroeder kiläse atnada Copenhagenda uzaçaq summit aldınnan, Törkiägä qarata urtaq pozitsiädä bulır öçen oçraşıp söyläşte. Törkiä, kiläse atnada, Berlekkä qabul itelü öçen söyläşülär başlau könen bilgelärgä ömetlänä.
XS
SM
MD
LG