Accessibility links

чәршәмбе, 7 декабрь 2016, Казан вакыты 13:41

Möselman dönyası Uraza bäyrämen bilgeli


Möselman dönyası İslamdağı iñ zur bäyrämnärneñ berse–Ğayed al-Fitrnı bilgeli. Säğüd Ğaräpstan ğaräp häm törki dönya bäyrämne bügen bilgeli başlasa, qayber Aziä däwlätläre möselmannarı bügen äle soñğı kön uraza tottı. Däwlät başlıqları möselmannarnı bäyräm belän qotladı.

Hindstannıñ Kaşmir töbägendäge yaña idaräse tıyılğan Laşkar-e-Taiba oyışmasınıñ 4 köngä atışlarnı tuqtatıp toru turındağı belderüen xupladı. Älege suğışçılar törkeme Kaşmirda 1998nçe yıldan birle terror höcümnäre oyıştıruda ğayeplänä. Jakarta’da İndonesiä politsiäse din äxele Abu Bakar Başirğa Ğayed namazına kilergä röxsät birde. Abu Başirnıñ , Bali utrawında üktäbr ayında şartlaular oyıştırğan suğışçılarnıñ ruxi citäkçese buluı turında xäbär itelä. Ul çaqta Bali utrawında 180nän artıq keşe, kübese-Könbatış turistları häläk bulğan ide. Äfğanstan başqalası Qabulda bäyräm könnärdä iminlek çaraları tağın da köçäytelde.

XS
SM
MD
LG