Accessibility links

чәршәмбе, 7 декабрь 2016, Казан вакыты 17:27

Yevropa Komissiäse İnguşetiädä qaçaqlar lagereneñ yabıluı uñayınnan tirän borçıluın belderde


Yevropa Berlegeneñ humanitar yardäm kommissionerı Poul Nielson Rusiä xakimiätlärenä 1 meñ 700 çeçen qaçağın uramğa quıp çığarğannarı öçen täñqit belderde. İül ayında yabılğan Znamenskoe lagere häm xäzer Aki Yurtta bulğan xällär Rusiä citäkçeläreneñ “keşeleklek printsipların bötenläw sanğa suqmawın” kürsätä, Çeçnyada wazğiät, qaçaqlarnıñ qaytuı öçen imin tügel, dielä belderüdä. Nielson süzlärenä qarağanda Yevropa Berlege häm Berläşkän Millätlär Oyışması wäkilläre Aki Yurtta kiçä bulğan. Çatırlar şähärçege buş, qış urtasında meñ yarımnan artıq keşeneñ qaya kitkännäre bilgesez. Yevropa Kommissiäse mäğlümatlärenä qarağanda, Berlek qaçaqlar lagereneñ yabıluın buldırmas öçen qulınnan kilgänne eşlägän, daimi räweştä Rusiä xökümätenä üzeneñ borçulı xatların cibärep torğan.

XS
SM
MD
LG