Brusseldä bügen Germaniä häm Törkiä tışqı eşlär ministrları oçraştı. Joschka Fischer, Germaniä häm Fransiäneñ Törkiäneñ Yevropa Berlegenä kerü söyläşülären 2005nçe yılda başlau turındağı täqdime-kiläse atnada uzaçaq oçraşularğa yaxşı nigez bulıp tora, dip belderde. Törkiänıñ tışqı säyäsäte başlığı Yasar Yakış, Änkara Fransiä häm Germaniä täqdimen öyränäçäk, dide .Läkin Törkiädä xakimiättäge Ğadellek häm Tärräqiät partiäse yulbaşçısı Recep Tayyip Erdoğan, Fransiä häm Germaniäneñ Törkiä öçen Yevropa Berlegenä kerü turında söyläşülärne 2005nçe yılda başlarğa digän täqdimnären kire qaqtı. Partiä citäkçese Erdoğan kiçä CNN Turk televideniä kanalına birgän äñgämäsendä täqdim qabul itelerlek tügel, mäs’älä äle açıq qala, dide. Kiläse atnada Kopenhagenda açılaçaq summittta, Törkiä söyläşülärne 2003nçe yılda başlar öçen basım yasarğa cıyına.
Kiläse atnada Yevropa Berlege äğzaläre Daniä başqalasına cıyılıp 2004nçe yılda 10 yaña namzätne qabul itü häm Törkiäneñ äğza buluı turında söyläşülär başlau köne turında qarar biräçäk.
Kiläse atnada Yevropa Berlege äğzaläre Daniä başqalasına cıyılıp 2004nçe yılda 10 yaña namzätne qabul itü häm Törkiäneñ äğza buluı turında söyläşülär başlau köne turında qarar biräçäk.
