Accessibility links

пәнҗешәмбе, 8 декабрь 2016, Казан вакыты 15:03

Yevropada İminlek häm Xezmättäşlek Oyışması terrorğa qarşı köräş planı turında söyläşergä Portualiägä cıyıldı


Yevropada İminlek häm Xezmättäşlek Oyışmasına kergän 55 däwlätneñ tışqı eşlär ministrları bügen Portugaliägä terrorğa qarşı köräş çaraları planın tözer öçen cıyıldı. İke könlek cıyın Porto şähärendä uza. Xäzerge waqıtta Oyışmanıñ prezidentı bulğan Portugaliä tışqı eşlär ministrı Antonio Martins da Cruz, keşe häm cämğiät iminlegenä yanağan yaña qurqınıçlar, älege Oyışma eşçänlege yünäleşen dä üzgärtügä kiterde, dide. Yevropada İminlek häm Xezmättäşlek Oyışması terrornı buldırmau häm aña qarşı köräş turında xartiä qabul itär, dip kötelä. Şulay uq, keşe säwdäsenä qarşı çaralar kürü turındağı deklaratsiägä dä üzgäreşlär kerteläçäk. Porto şähärendä açılğan ike könlek summitta Amerika Quşma Ştatları däwlät sekretare Colin Powell häm Könbatış Yevropa däwlätläreneñ qayber ministrları qatnaşımıy.

XS
SM
MD
LG