Accessibility links

якшәмбе, 4 декабрь 2016, Казан вакыты 05:05

Yevropa Şurası Rusiäne ülem cäzasın beterergä çaqıra


Bügen Mäskäwdä çığıp yasap, şuranıñ general sekretare urınbasarı Maud de Boer-Buchuicchio, ägär Rusiä ülem cäzasın betermäsä, Mäskäw belän Yevropanıñ qalğan öleşe arasında “timer pärdä” barlıqqa kilergä mömkin, dip belderde. Şuranıñ pozitsiäsen Rusiäneñ Yustitsiä ministrı Yuri Chaika da xuplıy. Läkin ministr süzlärenä qarağanda, üktäbr ayında Mäskäwdä bulğan terror waqiğalärennän soñ xalıqnıñ küpçelege ülem cäzasın qaldırunı xuplauları säbäple, Rusiäneñ Däwlät Duması älege qanunnı tiz genä üzgärtä almayaçaq.

Rusiä 1996nçı yılda Yevropa Şurasına kergäç, ülem cäzasına xökem itüne betergän ide. Läkin ğınwar ayında däwlät duması prezident Putinğa, ülem cäzasın yañadan ğamälgä kertüne sorap möräcäğät itte. Maqsat-terrorda ğayeplängän çeçennarnı ülem cäzasına xökem itü mömkinlegen qaytaru ide.

XS
SM
MD
LG