Accessibility links

сишәмбе, 6 декабрь 2016, Казан вакыты 11:13

Serbiädä ütkän prezident saylawların küzätep barğan Yewropa wäkilläre ikençe märtäbä oyıştırılğan saylawlarnıñ da uñışsız tämamlanuı ildäge säyäsi körçekne tiränäytte da nığıttı dide.


Atna axırında ütkän tawış birüdä saylawçılarnıñ 45 protsentı ğına qatnaşu säbäple bu saylawlar ğämäli tügel dip sanala. Serbiä konstitutsiäse nigezendä tawış birüdä saylawçılarnıñ kimendä yartısı qatnaşırğa tieş. Yewropada iminlek häm xezmättäşlek oyışması az saylawçılarnıñ qatnaşuına Serbiä Premyer-ministrı Zoran Djindjiçnıñ xakimiät koalitsiäsennän namzät kürsätelmäw säbäp buldı dip isäpli. Ğämäli bulmağan saylawlarnıñ ikesendä dä Serbiä Prezidentı Voislav Koştunitsa küpçelek tawışlarnı yawladı. Koştunitsa Yugoslaviäneñ elekke Prezidentı Slobodan Miloşeviç tarafınnan saylawçılar isemlegenä östälgän 400 meñ yalğan isemneñ äle dä ğämäldä qaluı saylawlarğa zian kiterde di. Anıñ äytüençä bu yalğan isemnär bulmasa saylawlarnıñ ikese dä ğämäli dip iğlan itelä alır ide.

XS
SM
MD
LG