Accessibility links

шимбә, 10 декабрь 2016, Казан вакыты 13:52

Brüssel’dä Daniä räsmi wäkile Yewropa Berlege tışqı eşlär ministrlarınıñ oçraşuıında Daniä tarafınnan äzerlänep namzät illärgä ike atna elek täqdim itelgän kompromiss kileşüneñ finans eşläre belän bäyle bulmağan yaqları xuplandı dide.


Şulay itep pänceşämbe-comğa könnärne Kopenhagenda ütäçäk sammitta Berlekne kiñäytüneñ finans yağın qaraw öçen kübräk waqıt qalaçaq. Germaniä häm Niderland tışqı eşlär ministrları jurnalistlarğa bez sammitqa qädär mäs’äläneñ finans yağı turında kileşep quya almıybız dide. Şulay da Kopenhagenda qayber problemalar öskä qalqıp çığarğa mömkin. Diplomatlar äytüençä Berlek äzğaları namzät illärgä täqdim itelüçe awıl xucalığı citeşterüe kuotaları turında kileşsä dä, alarnıñ finans ähämiäte sammitta qaralaçaq. Oçraşuda berlektäge qayber äğzalar şulay uq üzläreneñ ikeyaqlı borçıluların da kütärep çıqtı. Mäs’älän Austriä wäkile, ägär dä Austriä aşa ütüçe awır yök maşinaları xäräkätenä bilgele ber çikläwlär quyu röxsäte birelmäsä Berlekne kiñäytügä qarşı çığaçağın belderde. Ewropa Berlege räsmiläre Daniäneñ kompromiss täqdimen 10 namzätneñ Pol’şa belän Mal’tadan qala 8-e qabul itte dide.

XS
SM
MD
LG