Çärşämbe, 11 dikäber könne, Tatarstannıñ iqtisadına uñay tä'sir yasarlıq zur ber waqiğa buldı. Tübän Kamada neft' eşkärtü şirkäteneñ berençe çiratı açıldı. Bu tantanalı häm möhim waqiğada Tatarstan prezidentı Mintimer Şäymiev, respublika premyer-ministrı Röstäm Miñnexanov, Tatarstan spikerı Färit Möxämmätşin häm başqa citäkçelär qatnaştı. Älege zavod yılına 7 million tonnağa yaqın neftne eşkärtergä mömkin. Anıñ ikençe çiratı da safqa basqaç, bu kürsätkeç tağın da kübräk, ä anıñ eş sıyfatı tağın da äybäträk bulır, dip kötelä. Bu şirkätneñ tağın ber möhim yağı -- ul Tatarstanda çığarıla torğan yuğarı kükertle neftne eşkärtäçäk. Xäzerge köndä Tübän Kama neft eşkärtü zavodı respublikağa bik kiräkle yul yasaw öçen bitum çığara.
12 dekaber könne Tatarstannıñ tağın ber şirkäte bäyräm itäçäk. KamAZ cämğıäteneñ «Oka» keçkenä litrajlı avtomobillär çığaruçı zavod pänceşämbe könne üzeneñ 15 yıllıq yubileen bilgeläp ütäçäk. Xäzer älege zavodta 2500 keşe eşli. 15 yıl eçendä anda barlığı 212 meñ avtomobil' yasap çığarılğan. «Oka» bäläkäy genä buluına da qaramastan, xalıqta bik populyar maşina. Şuña kürä, zavod citäkçeläre häm eşçeläre kiläçäkkä optimizm belän qarıy.
12 dekaber könne Tatarstannıñ tağın ber şirkäte bäyräm itäçäk. KamAZ cämğıäteneñ «Oka» keçkenä litrajlı avtomobillär çığaruçı zavod pänceşämbe könne üzeneñ 15 yıllıq yubileen bilgeläp ütäçäk. Xäzer älege zavodta 2500 keşe eşli. 15 yıl eçendä anda barlığı 212 meñ avtomobil' yasap çığarılğan. «Oka» bäläkäy genä buluına da qaramastan, xalıqta bik populyar maşina. Şuña kürä, zavod citäkçeläre häm eşçeläre kiläçäkkä optimizm belän qarıy.
