Accessibility links

якшәмбе, 11 декабрь 2016, Казан вакыты 16:44

Tatarstanda atom elektrostansiäse bulırmı?


Respublika xalqın soñğı waqıtta inde küptän onıtılğan diärlek sorawlar borçıy. Tatarstanda atom elektrostansiäse tözelerme? Respublika xalqı qatğıy räweştä qarşı çıqqannan soñ 1989 yılda Tatarstannıñ Yuğarı Sovetı qararı belän tuqtatılğan älege tözeleş yañartılırmı? Sişämbe könne respublikanıñ Ministrlar Kabinetında uzğan brifingta süz şuşı xaqta bardı. İqtisad häm sänäğät ministrı urınbasarı Alevtina Kudryavseva süzlärenä qarağanda, älege tuqtatılğan tözeleşneñ yañadan torğızıluın Kama Alanı bistäsendä yäşäwçelär täläp itä ikän. Bu ber yaqtan säyer kebek toyılğan täläp menä närsä belän añlatıla. Kama Alanında yäşäwçelärneñ töp eş çığanağı şul tözeleş bulğan. Bistä xalqınıñ Tatarstan xökümätenä yullağan çirattağı möräcäğätennän soñ, Ministrlar Kabinetı respublika Däwlät Şurasına Kama Alanı AESın tözüne däwam itü mömkinlegen açıqlıyaçaq bäysez ekspertiza bilgeläw turında möräcäğät kertergä cıyına. Xäyer, xökümät wäkile süzlärenä qarağanda, bu äle atom stansiäseneñ tözeleşen yañartu, digänne añlatmıy. Monda süz barı tik älege cirdä atom stansiäsen ğomümän tözärgä yarıymı, yuqmı digän sorawğa cawapnı açıqlaw turında ğına bara. Ä menä Tatarstanda atom elektr sansiäse bulırmı, yuqmı digän sorawğa cawapnı, bu oçraqta närsä ciñär - iqtisadi, säyäsi mänfäğätlärme yäisä ayıq aqılmı - busın inde kiläçäk kürsäter.

XS
SM
MD
LG