Accessibility links

сишәмбе, 6 декабрь 2016, Казан вакыты 19:03

Tönyaq Koreanıñ skad raketaları töyegen yök köymese totıldı


Atna başında Yämännän yıraq tügel genä tuqtatılğan tamğasız ber köymädä Skad şäkelendäge 12 raketa tabıldı. Tikşerü bu köymäneñ Tönyaq Koreanıqı buluın açıqladı. AQŞ räsmiläre bu waqıyğa tağın ber märtäbä Pxenyannıñ çitkä raketalar satu belän şöğellänüen raslıy dip belderde

Düşämbe könne Aden qultığında İsapniä xärbi korabları älämsez, nomerları buyaw belän qaplanğan şikle ber köymäne tuqtattı. Tikşerä başlağaç köymäneñ Tönyaq Koreanıqı buluı açıqlandı häm sement qapçıqları astınnan Skad şäkelendäge 12 raketa tabıldı. Köymäneñ yul qäğäzlärendä isä 40 meñ qapçıq sement turında ğına yazılğan. Şunda uq raketalarnı tikşerü häm qurqınıçsızlandıru öçen amerika xärbiläre çaqrıldı. Soñraq AQŞ räsmiläre bu köymä tönyaq koreadan çıqannan birle Amerikan küzläw xezmätläreneñ küzätüe astında ide dip belderde. Räsmilär äytüençä alar köymägä raketalar töyälüen berniçä atna elek ük küzätep torğan bulğannar. Waşingtom Times gazetı inde 2-nçe dikäbrdä ük Tönyaq korea Yemengä cibäreläçäk raketalarnı köymägä töyi dip yazıp çıqqan ide. Ämma AQŞ administratsiäse häm Pentagon wäkilläre bu yökneñ inde Skad raketalarına iä bulğan Yemengäme, töbäktäge başqa berär däwlätkäme, yäki berär suğışçan törkemgäme kiterelüe tögäl genä bilgele tügel dide. Amerikanıñ küzläw oyışmaları Tönyaq Korea Köymäse belän Äl-Qaidä yäki başqa terrorçı oyışma arasında açıq qına bäyläneş yuq dip belderde.

Küptän tügel Tönyaq Korea bayıtılğan urannan atom qoralları yasaw niätläre buluın iğlan itkän ide. Şuña da Qaramastan buş administratsiese küpläp üterü qoralları yasawda şiklänelüçe ğiraqqa qarşı alıp barılğan qatı säyäsätne Tönyaq koreağa qarada da yünältergä aşıqmıy. Şulay da, qayber küzätüçelär fikerençä bu raketalarnıñ kem öçen cibärelgänlege açıqlanu kiläçäktä Amerikanıñ töbäktäge qayber illär belän diplomatik häm xärbi elemtälären qatlawlandırıp cibärä ala. Çärşämbe könne AQŞ däwlät sekretare urınbasarı Riçard Armitage Pekiñda jurnalistlar aldına çığıp bolay dip belderde.

AUDİO Älbättä, Amerikan xakimiätlärendä bu şiklänülär inde elektän kilä ide. Bezneñ Däwlät iminlege kiñäşçebez Kondoliza Rays äytüençä Tönyaq Korea iñ andıy qorallarnı iñ küp taratuçılarnıñ berse, häm alar bu eşkä yañadan alınğannar kebek.

Ämma Armitage, bu waqıyğa AQŞ säyäsätenä bernindi üzgäreşlär dä kertmiäçäk dide. AQŞ räsmiläre äytüençä, Tönyaq Koreadan raketa texnologiäläre satıp aluçılarnıñ berse Paqstan. Paqstan isä Tönyaq Koreağa atom qoralı texnologiäläre belän tüli dielä. Tönyaq Korea Paqstanğa Skad şäkelendäge qısqa arağa oça torğan raketalar ğına tügel yırağraq ara raketalar da satqa. İran belän Yemenneñ dä Tönyaq Koreadan Raketa texnologiäläre satıp aluı turında xäbär itelä.

Skad şäkelendäge raketalarnı tögäl oçıru mömkin tügel häm ğädäti şartlatqıçlar belän oçırılğanda ul ällä ni qurqınıçlı tügel. Ämma ximik yäki biologik qoralnı yaqın arağa oçıru öçen Skad raketaları bik qulay bula ala.

Naif Aqmal, Praga
XS
SM
MD
LG