Accessibility links

шимбә, 10 декабрь 2016, Казан вакыты 15:58

Zakayev Londonda ütkәrgәn pres-konferensiyәdә üzenә qarşı alğa sөrelgәn ğәyeplәvlәrne kire qaqtı.


Çәrşәmbedә, Britan mәxkәmәse Axmed Zakayevnı 9-nçe Ğinvarda yaŋadan mәxkәmә aldına basu şartı belәn irekkә çığardı. Lәkin, ul bilgelәngәn adresta yәşәrgә tieş hәm ildәn kitә almıy. Zakayev mәxkәmә qararınnan soŋ ütkәrgәn press-konferensiәdә Mәskәv tarafınnan üzenә qarşı alğa sөrelgәn barlıq ğәyeplәvlәrne kire qaqtı.

Axmed Zakayevneŋ press-konefernsiәsenә tuqtap kitәr aldınnan. anıŋ 11-nçe dikәberdә blan mәxkәmә tıŋlaularınnan soŋ radiobıznı- Tөnyaq Kafkaz redaksiәsenә birgәn intervyusınan өzek tıŋlıyıq.

audio

Xakim qararınnan soŋ Zakayev press-konferensiәdә çığış yasadı. Ul Mәskәvneŋ üzenә qarşı alğa sөrgn barlıq ğәyeplәvlәrne nigezsez dip kire qaqtı , Min anda telgә alınğan cinayәtlәrneŋ bersen dә eşlәmәdem dip belderde. Rusisә xөkümәtenneŋ ğәyeplәv aktında, Zakayev 1995-nçe ylda hәm soŋğaraq , ike popnı hәm 300 militsionernı üterüdә ğәyeplәnә. Ul popolarnıŋ berse isә әle dә isәn hәm Mәskәvdә yәşi. Daniә mәxkәmәse Russiә prokuraturasınıŋ Zakayevne ekstradiksiәlәv өçen kürsәtkәn dәlillәre ciәtrlek tügel dip anı Mәskәvgә tapşırun kire qaqqannan soŋ, Britan Mәxkәmәseneŋ başqa qararğa kilüe ikele. Ber nәrsә açıq- Mәskәv bu mәsәlәgә xoquq noqtasınan tügel, ә sәyәsәt noqtasınan çığıp qarıy. Dөnya terrorğa qarşı kөrәştә berlәşep xәrәkәt itә , Zakayev Russiәneŋ qaraşınça terrorçı, dimәk ul Mәskәvgә tapşırılırğa tieş. Kreml şuşı pozitsiәdәn çığıp Daniәgә politik basım yasap qaradı, eçe barıp çıqmadı. Xәzer inde Britaniәgә basıp yasıy. Blair belәn Putin yaxşı tanışlar , şuşı dislıq xisabına Zakayev tapşırılsa zian bulmas bit. Lәkin bu ruslarnıŋ zur xatası, Daniәdә dә, Britaniәdә dө justitsiә Russiәnekennәn ayırıla. Demokratik illәrdә yustitsiә başqarma xakimiәtenneŋ qoralı tügel, ә bәysez. Zakayev press-konferensiәdә Yevropa Berlegen Kosovodağına oxşaş tınıçlıq saqlau kөçlәren buldırıp Çeçnәdә qanqoyunı tuqtatırğa çaqırdı. Ul süz minem turında tügel, ә Çeçen xalqınnıŋ yәşәp qalu xoquqı turında bara dip әytte. Zakayev tağı bolay dide

audio

Kreml üz vәkillәre belәn oçraşqalağan hәm sәylәşülәr alıp barğan Zakayevneŋ üzenә tapşırıluın talәp itüe hәm Masxadov belәn sөylәşülәne kire qağuı belәn problemmağa sәyәsi xәl çarası tabuğa işeklәrne genә yaba. Inde Gudermesta Çeçnә xalıqlarınıŋ qorıltayın ütkәrü, yaki bügen Putin qul quyğan fәrmanğa esasәn, kilәse yılda konstitutsiә buyınça referendum hәm soŋınnan saylaular ütkәrü Çeçnә problemmasın xәl qıluğa kitermiәçәk, bәlkim kiresençә, anda vazğiәtne kiskennәşterәçәk kenә. Konfliktqa qatnaşqan barlıq taraftarlar ber өstәl tirәsenә ciılıp, xalıqara aradaşçılar qatnaşlığında sөylәşkәn hәm kompromisqa barğan xәldә genә Çeçnәdә tınıçlıq urnaştıru turnda өmetlәnep bulır. Lәkin, Kreml bügenge kөndә moŋa riza tügel. Bu inde Çeçnәdә tazartular da, bөreleşlәr dә dәvam itәçәk, xalıqnıŋ cafalanuı tutqalmayaçaq digәn süz.

Fәrit Idelle, Praga
XS
SM
MD
LG