Tatarlar küpläp yäşägän töbäklärdä tatar mädäniätenä bağışlanğan zur çaralar uzuı turındağı xäbärlärne soñğı aralarda yış işetergä turı kilde. Çaralarnı oyıştıruçılar isemlegendä üzeşçän sänğatkärlär genä tügel, räsmi dairälär, Bötendönya tatar kongressı wäkilläre häm urındağı mädäniät idarälären dä kürergä mömkin. Şulay, sintäbr ayında Yekaterinburda bilgelängän milli säyäsätneñ töp yünäleşläre qağäzdä genä qalmıyça ğamäldä dä kürende. Sverdlau ölkäse häm Tatarstan mädäniät ministrlıqları berlektä şähärdä tatar xalqı icatına bağışlanğan zur çara uzdırdı.
Fäwiä Safiullina, Yekaterinbur