Accessibility links

җомга, 9 декабрь 2016, Казан вакыты 14:38

Yewropa Berlegenä namzät illärneñ citäkçeläre alarnı 2004-nçe yılğa berlekkä quşılırğa çaqıru turındağı qararqa xuplaw belderde.


Comğa könne Kopenhagenda Yewropa Berlege Sammitında Kipr, Çexiä, Estoniä, Macarstan, Latviä, Litva, Mal’ta, Pol’şa, Slovakiä häm Sloveniä 2004-nçe yılnıñ 1-nçe Mayında berlekkä qulışırğa räsmi çaqıru aldı. Pol’şa Premyer ministrı Lejek Miller Yewropa Berlegenä çaqıru alu belän millionnarça Pol’şa watandaşınıñ xialı tormışqa aştı dide. Macarstan Premyer-ministrı Peter Megyessi Macarstan yañadan Yewropa yortına qayttı dip belderde Slovakiä Premyer-ministrı Mikulaş Dzurinda moñarçı Slovakiädäge ber genä buınnıñ da Yewropa belän quşılu mömkinlege bulmadı dide. Yewropa Berlege citäkçeläre yaña quşıluçı illärdä yardämne arttıru turında kileşkännän soñ Berlekne kiñäytü eşe alğa taba kitte. Yewropa Berlege äğzaları häm aña quşılaçaq illär şulay uq Bolğarstan belän Rumıniäneñ 2007-nçe yılda Berlekke quşıluın xuplawçı deklaratsiä imzaladı häm Törkiäne berlekkä alu söyläşüläre 2004-nçe yıl axırında başlanırğa mömkin digän qarar çığardı. Finländiä belän Şwetsiä Premyer-ministrları Yewropa Berlegeneñ 10 yaña äğza, şul isäptän 3 Baltıyq däwläten çaqıruın xuplap çıqtı. Şwetsiä premyer-ministrı Goeran Persson häm Finländiä premyer-ministrı Paavo Lipponen ikese dä Berlekne kiñäytü qararın xupladı. Lipponen berlekkä kürşe baltıyq däwlätläreneñ çaqırıluına ayıruça şatlanuın belderep alar üz ğailälärenä quşıla dide. Lipponen äytüençä, älege däwlätlärne berlekkä alu Baltıyq buyında totrıqlılıqnı nığıtaçaq häm Russiä belän mönäsäbätlärneñ ähämiäten arttıraçaq dip belderde. Yewropa Berlegendä äğza bulmağan Norvegiä xökümäte başlığı Kyell Magne Bnodevik Berlekkä quşılu mäs’äläse 2010-nçe yılğa qädär yañadan referendumğa çığarılaçaq dide.

XS
SM
MD
LG