Accessibility links

чәршәмбе, 7 декабрь 2016, Казан вакыты 23:16

Başqortostanda Tatarstannıñ säwdä-iqtisadıy wäkillege açıla


Şuşı könnärdä Tatarstannıñ wäkilçeleklär sanı tağın arttı. Ufada respublikanıñ Başqortostandağı säwdä-iqtisadıy wäkillege açıla, dip xäbär itä «Tatar-inform» agentlığı. Tatarstannıñ kürşe respublikadağı wäkile bulıp Ramil Bignov bilgelände. 17 dekaber könne Tatarstannıñ säwdä häm tışqı iqtisadıy bağlanışlar ministrı Xafiz Salixov anıñ belän ministrlıq citäkçelären tanıştırdı. Ramil Bignov Başqortostannıñ Çaqmağış rayonı Ataş awılında tuıp üskän. Xäzerge waqıtta ul Ufada yäşi. Tatarstan Sawdä häm tışqı iqtisadıy bağlanışlar ministrlıgınıñ mäğlümätlärenä qarağanda, 2001 yılda Başqortstan Respublikası Tatarstan belän iqtisadıy bağlanışta toruçı 82 töbäk arasında berençe urında torğan. İke aradağı säwdä äyläneşe dä şuña kürä sallı ğına. Ä wäkillekne açqannan soñ ike aradağı xezmättäşlek tağın da nığır dip kötelä. Şulay uq älege wäkillekne açu maqsatları arasında Başqortstan Respublikasın Tatarstannıñ tarixı, mädäniyäte, xäzerge ictimağıy häm iqtisadıy xäle, tışqı iqtisadıy mömkinleklärenä bäyle mäğlümät belän t’ämin itü, iqtisadıy xezmättäşlek urnaştıruçılarnıñ Tatarstan mänfäğätlärenä quyılğan şartlarnıñ ütäleşen tikşerü, digännäre dä bar. Başqortostan belän Tatarstan arasındağı şaqtıy ğına çetrekle mönäsäbätlärne iskä alğanda, älege wäkillek eşsez utırmas kebek.

XS
SM
MD
LG