Accessibility links

якшәмбе, 11 декабрь 2016, Казан вакыты 09:02

Rusiә, Amerikanıŋ raketalardan saqlanu sistemasın өleşçә safqa bastıru qararına, ükeneç belderde


Amerika Prezidentı G.Buş, raketalardan saqlanu sisteması 2004 yılğa өleşçә safqa basaçaq, dip belderde. Anıŋ süzlәrençә, bu terrorçılar hәm Tөnyaq Koreya kebek, "zolım küçәre" dip yөrtelğәn illәrdәn saqlanu maqsatında eşlәnә. Bu çara, yul kisüçe raketalarnı hәm raketalardan saqlanu sistemasina kerğәn başqa cihazlarnı cirdә, dingezdә hәm ğәllәmdә urnaştırudan başlanıp kitәçәk, dide Buş. Saqlanu ministrı Donald Ramsfeld, 2005 yılda sistema çağıştırmaça az bollistik raketalarnıŋ yulın kisә ala, diğәn fiker bederde. Amerika prezidentı administratsiәseneŋ Quşma Ştatlar Kongressinnan bu çara өşen başta 1million yarim dollar bülep birune sorıyyaçağı da bilgele buldı. Tәnqıtlәwçelәr, Buş maqsatlarınıŋ tөrmışqa aşuına hәm hөcüm qurqınıçınıŋ çığımnarnı aqlawına şiklәnep qarıy.

Amerikanıŋ raketalardan saqlanu sistemasın өleşçә ğәmәlğә kertü qararına Mәskәw ükeneç belderde. Rusiә tışqı eşlәr ministrlığı taratqan rәsmi qәğәzdә әytelğәnçә, Waşingtonnıŋ bu adımı dөnyadağı stategik tigezlekne bozarğa hәm aşqınıp qorallanuğa kitererğә mөmkin. Itar-Tass agetnlığı xәbәr itkәnçә, Rusiә tışqı eşlәr ministrı Igor Ivanov ta, bügen, Tokioda bulğanda, Amerikanıŋ raketalardan saqlanu sistemasın safqa bastırırğa ciyenuına mөnәsәbәt belderde. Bu sistema dөnyadağı vәzğıәtne tağı da qatlawlandırırğa mөmkin, dide ul.

XS
SM
MD
LG