Anı ikençe zur şirkәt " Sibneft" kompaniәse satıp aldı. Slavneft şirkәten kontrolldә totu, satıp aluçığa, 1 milliard 860 million dollarğa tөşte. Sibneft şirkәteneŋ xucaları - eşmәkәr Roman Abromoviç hәm "Alfa" diğәn kompaniәlәr belrәşmәse. Qıtaynıŋ dәwlәt neft şirkәte, kiçә, bu çarada qatnaşudan baş tarttı. "Rosneft" diğәn dәwlәt şirkәte belәn bәyle ber aktionerlıq cәmğıyәte," Slavneft"ne 2 milliard yarım dollarğa satıp alırğa riza buluwı turında belderğәn bulsa, auktionnan çitlәşterelde. Bügen Mәskәwdә ütkәn auktsionda barlığı 7 Rusiә şirkәte kөş sınaştı. Әlege kileşü rusiәdәğe xosusıylaştıru tarixında iŋ zurı dip sanala.
