Accessibility links

җомга, 9 декабрь 2016, Казан вакыты 20:22

Rusiә eşke eşlәr ministrlığı Çeçnәdә tikşerü nığıtmalarında kiŋkülәm ezәrleklәw hәm talaw oçraqları buluwın tanıdı


Әlege ministrlıq başqlığı Borids Grızlov Çeçnәdә bulğan waqıtta, sөŋğı ayda ğına militsiә xezmәtkәrlәre tarafınnan şundıy 45 qanun bozu oçraqları terkәlde, dip belderde. Tәrtip saqlawçılarğa qarşı 5 cinәyәt eşe açıldı, dip tә әytte ul.

Şul arada Çeçnәdә, Groznıyda, cirle tәrtip saqlaw oyışması xezmәtkәre Timur Yusupov hәlәk buldı. Berniçә qorallanğan keşe Yusupovnıŋ fatırına bәrep kerep, anı şunda atıp üterde, dip xәbәr itelә. Itar-Tass ağentlığı bu oçraqnı, çeçen suğışçılarınıŋ Rusiә xakimiәtlәre belәn xezmәttәşlek itkәn keşelәrdәn üç alu bulırğa mөmkin, dip aŋlata. Çeçnә belәn çiktәş Dağıstannıŋ Xasawürt rayonında da, atışlar waqıtında, ber militsiә xezmәtkәre hәlәk buldı. Tağı ike tәrtip saqlawçı yaralandı. Atışta qatnaşqan 2 keşe qulğa alınğan, өçençese – qaçqan. Qurçaloy rayonında tınıç xalıqtan berniçә keşe utırğan maşına utqa totılğan, ber keşe ülğәn, ikese – yaralanğan.

XS
SM
MD
LG