Accessibility links

якшәмбе, 11 декабрь 2016, Казан вакыты 09:16

Törkiäneñ Rusiädäge ilçese Kurtuluş Taşkent Tatarstanğa räsmi säfären başladı


Tatarstanda da xalıq äkrenläp Yaña yıl qarşılaw mäşäqätlärenä kerep bara. Yaña yıl aldınnan xörmätle, märtäbäle qunaqlarnıñ iske yıl manzaralarındağı eşlekle vizitları tögällänep kilä. Şulay, pänceşämbe könne Qazanğa Törkiäneñ Rusiä Federatsiäsendäge ğadättäntış häm tulı waqälätle ilçese Kurtuluş Taşkent kilde. Pänceşämbe könne irtänge yaqta ul premyer-ministr Röstäm Miñnexanov belän oçraştı, ä töştän soñ Däwlät Şurası räise Färit Möxämmätşin belän. Şulay uq Törkiä ilçese Törkiäneñ Tatarstandağı general'' konsullıgında da buldı. Äle ul Qazanda atna azağına qadär bulaçaq. Qazan boralaqlar zavodına baraçaq, Qazan Kremle, Qazan universitetı, başqalanıñ tarixi urınnarı belän tanışaçaq. Törkiä ilçeseneñ Tatarstanğa vizitınıñ kul''minatsiäse «Piramida» mädäni-küñel açu kompleksın açu tanatanasında qatnaşu bulaçaq.

Mäğlüm ki, älege «Piramida»da inde bik zur däräcäle qunaqlar buldı, alarnıñ bu binağa bäyäläwläre dä gel maqtaw, tel şartlatu ğına buldı. Rusiäneñ mädäniät ministrı Şvıdkoy «Piramida»nı däwlät premiäsenä täqdim itäçägen belderde. Qazan «Piramida»sın inde Heops piramidaları belän çağışıtıruçılar da bar. Çärşämbe könne «Piramida»nı nihayät jurnalistlar kürdelär. Çınnan da, şaqqatırlıq. Mädäni-küñelaçu kompleksınıñ ğomumi mäydanı 16 meñ kvadrat metr ikän. Anda 450 xezmätkär eşliäçäk. İminlek xezmätendä genä 90 keşe eşliäçäk. «Piramida»nıñ üzäge 1200 urınlıq küpfunksiäle tamaşa zalı. Monda konsertlar da, show-programmalar da, press-konferensiälär, diskotekalar da, simpoziumnar da ütkärergä mömkin. Zalnı 9 törle itep üzgärtep qorırğa mömkin. «Piramida»nıñ oçında ütä kürenmäle pıyala gömbäz astında restoran urnaşqan. Restorannıñ güzällegen söyläp beterlek tügel. Üz küzläreñ belän kürergä kiräk, dilär. 20 dekaberde menä şuşı güzällekne räsmi açu tantanası bula, annarı soñ «Piramida»da Yaña yıl tamaşaları başlanıp kitä. Ä inde Yaña yıl kergäç, tatar estradası öçen yılnıñ iñ möhim, iñ könüzäk çarası – “Tatar cırı-2002” bäygese yomğaqlaw konsertları baraçaq.

XS
SM
MD
LG