Accessibility links

җомга, 9 декабрь 2016, Казан вакыты 18:43

Tatar jurnalistları klubı utırışında çittä yäşäwçe millätäşlärebezne mäğlümat belän tä'min itü mäsäläse tikşerelde


Xäbärdarlıq, mäğlümat möxitendä tatar dönyası buldıru problemaların çärşämbe könne Bötendönya tatar kongressı oyıştırğan tatar jurnalistları klubında tikşerdelär. Mäğlüm ki, Sovetlar Soyuzı tarqalğannan soñ Tatarstanda näşer itelä torğan basma mäğlümat çaraların tatarlar küpläp yäşägän Urta Aziä illärenä, Üzbäkstan, Qazağıstan kebek respublikalarğa taratu tuqtatıldı. Säbäpläre añlaşıla. Xäzerge waqıtta bu problema belän nıqlap yabışıp şöğıllängän “Tatarstan yäşläre” gazetası mäsälän, gazetanı Üzbäkstan, Qazağıstan kebek respublikalarğa İnternet aşa citkerep, annarı soñ urınnarda näşer itep taratunı oyıştırıp yori. Çönki gazeta-jurnallarnı älege respublikalarda yäşäwçelär öçen Tatarstanda ğına bastırıp häm Tatarstannan taratuğa bernindi dä finans mömkinlekläre yuq. Älege söyläşüdä Qazağıstannıñ Semipalatinski şähäre tatar üzäge räise Gabdelxaq Axuncanov ta qatnaştı.

Audio

Gabdelxak äfände Semipalatinskida tatar ictimaği üzägenä kergän üzeşçän sänğat icat kollektivları eşçänlege turında söyli. Töp problemaları itep milli kadrlar, berençe çiratta uqıtuçılar, belgeçlär citmäwe turında äytä.

Menä şuşı Semipalatinskida yäşägän 12 meñnän artıq millättäşlärebez öçen milli tormış, mädäniät, tärbiä – barısı da şuşı häwäskärlär, cırçılar, muzıkantlar kollektivlarına ğına tayanıp qalğan. Xätta, tatar klasslarında uqıtırğa kadrlar yuq. Xäzer tatar tele däreslären Gabdulxak Axuncanov tärbiälägän ber qız-bala alıp bara. Tatar mäğlümat çaralarınnan berdän-ber ışanıç – ul İnternetqa ğına. Gabdulxak äfände Qazağıstan belän Tatarstan arasında poçta xezmäten dä, kitap, matbuğat taratu xezmäten dä başqara. Bu kilüendä dä ul Qazannan kütärä alğança gazeta-jurnallar, kitaplar alıp qaytıp kitte.

Yunıs Ätnäle, Qazan

XS
SM
MD
LG