Accessibility links

чәршәмбе, 7 декабрь 2016, Казан вакыты 17:39

Başqortstanda üz rayonnarında matbuğatqa yazılunı oyıştıra almağan xakimiät başlıqlarına şeltä belderelde


Kiläse yıl Başqortstan öçen tağın da qatlaulı häm kierenkele waqiğalar alıp kiläçäk dip uylarğa nigez bar. Rusiäneñ Däwlät Dumasına saylaulardan tış Başqortstan xalqı respublika däwlät cıyılışı qorıltayı häm prezidentın saylarğa tieş bulaçaq. Xalıq arasında añlatu eşlären alıp baruda matbuğatnıñ role mäs’äläse bügen Ufada uzğan ike ayırım utırışta telgä alındı. Başqortstannıñ saylau komissiäse başlığı Bari Kincağulov jurnalistlar belän oçraşqanda, saylaularnıñ tınıç qına uzmayaçaq, häm moña matbuğat çaraları da üz öleşen kertäçäk digän farazların belderde. Xökümät utırışında isä citäkçelek respublikada matbuğatqa yazılu tämamlanır aldınnan näticälär belän tanıştı. Ägär yazulu kampaniäse tämamlanğançı (moña 1 atna qaldı) citäkçelek quyğan näticälärgä ireşelmäsä, küp kenä çinovniklar, şul sanda poçta xezmätkärläre, eş urınnarınnan kitergä mäcbür bulaçaq. Bu xaqta respublika rayonnarınıñ xakimiät başlıqlarına da xökümät xatları cibärelde. Xalıqnıñ matbuğatqa ni öçen yazılırğa telämägäne turında süz artıq quyırtılmadı.

İrşat Tläümbät, Ufa

XS
SM
MD
LG