Älegä qädär Washington, Ğiraqnıñ, üzendä küpläp yuq itü qoralları bulmawı xaqında waqıtında xisap birep, suğışnı buldırmıy qalu öçen berdänber mömkinlege bar dip kilgän ide. Xäzer isä Quşma Ştatlarda yañğırağan belderülärdä, Ğiraq şul mömkinlekne inde ıçqındırdı digän süzlär kürenä başladı. Atnakiç amerikan däwlät sekretare Colin Powell, Washingtonda, Ğiraq çitäkçelege cibärgän xisap, Berläşkän Millätlärneñ 1441-nçe qararın boza, çönki ul qarar Bagdadqa, üzendäge şikle qorallarnı tulısınça häm yäşermi bäyän itü taläben quya, ä alınğan 12 meñ bitlek xisap, Ğiraqnıñ şuşı taläbne ütämäwen, anı tupas bozuwın kürsätä dip belderde. Powell şuşı süzlären, Berläşkän Millätlärneñ qoral inspektorları başlığı Hans Blix İminlek Şurasında, Ğiraqnıñ xisabı, tieşle däräcädä tulı tügel digännän soñ äytte. Quşma Ştatlarnıñ däwlät sekretare ayırım alğanda bolay dip belderde.
Audio - Powell
Ğiraqqa üz keşelären häm tirädäge töbäklärne, küpläp yuq itü qoralları belän qurqıtu başqa röxsät itelmäskä tieş, üz qoralsızlanuwın niçek ütkärü älegä Ğiraqnıñ üz eşe bulıp qala, qızğanıç ki, soñğı xisap bezne tınıç yullar belän xäl itü yünäleşendä alıp baruğa bötenläy yaramıy di Colin Powell. Ul, Quşma Ştatlarnıñ Ğiraq xisabın şulay kire qağuwı şunda uq, Bagdadqa qarşı suğış başlawnı añlatmıy disä dä, dönya mäñge kötep tora almıy dip tä östäde. Bu inde berençe çiratta, Washingtonnıñ tüzemlege betep kilä digänne añlata. Elekke amerikan prezidentı Ronald Reagannıñ däwlät iminlege şurasında äğza bulğan, ä xäzer Michigan universitetı professorı Raymond Tanter bu xaqta bolay di.
Audio - Tanter
Amerikanıñ Ğiraq xisabın tiskäre bäyäläwe, prezident Bushnıñ suğışqa taba yul aluwına işarä itä di Raymond Tanter, häm monıñ kiläse fivraldä yä martta bula aluwın farazlıy. Amerikan wäkilläre süzlärenä qarağanda, xäzer Ğiraq tiräsendäge şuşı krizis yaña ber çorına kerde, çirattağı möhim data kiläse yılnıñ 27-nçe ğinwarına turı kilä. Şuña qädär Berläşkän Millätlärneñ qoral inspektorları İminlek Şurasına üzläreneñ berençe xisabın birergä tieş bulaçaq. İkençe ber xärbi belgeç, Washingtondağı Strategik häm Xalıqara tikşerülär üzägendä eşläwçe Kenneth Allardnıñ ta, Quşma Ştatlarnıñ qaya taba baruwına şige yuq.
Audio - Allard
Xäzerge xällär şunı kürsätä ki, biredä diplomatik uyın bara, häm ul inde altı atnalap däwam itä, häm anıñ äle tağın yaqınça 6 atnalıq däwam itäse bar. Läkin şunnan soñ inde aña almaşqa suğış kiläçäk, häm Saddam monı bik yaxşı añlıy di, Kenneth Allard. Washingtonnıñ Ğiraq suğışına äzerlänüwenä tağın şul da işarä itä, soñğı xäbärlärgä qarağanda, 50 meñläp amerikan ğäskärienä, prezident Bushtan soñğı färman alınu belän, kiläse yıl başında Farsı qultığına kitügä äzer bulıp toru kürsätmäse birelgän. Alar anda, inde bügenge köndä ük şul töbäktä tuplanğan 60 meñläp amerikan xärbienä quşılaçaq.
Kärim Kamal, Praga
Audio - Powell
Ğiraqqa üz keşelären häm tirädäge töbäklärne, küpläp yuq itü qoralları belän qurqıtu başqa röxsät itelmäskä tieş, üz qoralsızlanuwın niçek ütkärü älegä Ğiraqnıñ üz eşe bulıp qala, qızğanıç ki, soñğı xisap bezne tınıç yullar belän xäl itü yünäleşendä alıp baruğa bötenläy yaramıy di Colin Powell. Ul, Quşma Ştatlarnıñ Ğiraq xisabın şulay kire qağuwı şunda uq, Bagdadqa qarşı suğış başlawnı añlatmıy disä dä, dönya mäñge kötep tora almıy dip tä östäde. Bu inde berençe çiratta, Washingtonnıñ tüzemlege betep kilä digänne añlata. Elekke amerikan prezidentı Ronald Reagannıñ däwlät iminlege şurasında äğza bulğan, ä xäzer Michigan universitetı professorı Raymond Tanter bu xaqta bolay di.
Audio - Tanter
Amerikanıñ Ğiraq xisabın tiskäre bäyäläwe, prezident Bushnıñ suğışqa taba yul aluwına işarä itä di Raymond Tanter, häm monıñ kiläse fivraldä yä martta bula aluwın farazlıy. Amerikan wäkilläre süzlärenä qarağanda, xäzer Ğiraq tiräsendäge şuşı krizis yaña ber çorına kerde, çirattağı möhim data kiläse yılnıñ 27-nçe ğinwarına turı kilä. Şuña qädär Berläşkän Millätlärneñ qoral inspektorları İminlek Şurasına üzläreneñ berençe xisabın birergä tieş bulaçaq. İkençe ber xärbi belgeç, Washingtondağı Strategik häm Xalıqara tikşerülär üzägendä eşläwçe Kenneth Allardnıñ ta, Quşma Ştatlarnıñ qaya taba baruwına şige yuq.
Audio - Allard
Xäzerge xällär şunı kürsätä ki, biredä diplomatik uyın bara, häm ul inde altı atnalap däwam itä, häm anıñ äle tağın yaqınça 6 atnalıq däwam itäse bar. Läkin şunnan soñ inde aña almaşqa suğış kiläçäk, häm Saddam monı bik yaxşı añlıy di, Kenneth Allard. Washingtonnıñ Ğiraq suğışına äzerlänüwenä tağın şul da işarä itä, soñğı xäbärlärgä qarağanda, 50 meñläp amerikan ğäskärienä, prezident Bushtan soñğı färman alınu belän, kiläse yıl başında Farsı qultığına kitügä äzer bulıp toru kürsätmäse birelgän. Alar anda, inde bügenge köndä ük şul töbäktä tuplanğan 60 meñläp amerikan xärbienä quşılaçaq.
Kärim Kamal, Praga