Accessibility links

шимбә, 3 декабрь 2016, Казан вакыты 07:50

Qazan şähär Şurası 2003 yılğa büdjet tikşerde


19 dekaberdä Qazan şähär Şurasınıñ çirattağı sessiäse uzdı. Anda qaralğan töp mäs'älä – 2003 yılğa byudjet sisteması ide. Äytergä kiräk, şähär xaqimiäte başlığı Kamil' İsxaqovnıñ häm küpçelek deputatlarnıñ küñele töşenke ide. Xakimiät vertikalen nığıtu säyäsäte, salımnarnıñ baytaq öleşennän qolaq qağuğa kiterde. Sannarda ul bolay: 2002 yılda salım aqçalarnıñ 50% federal', 16% -Tatarstan, 34% - Qazan byudjetına kergän bulsa, 2003 yılda Mäskäw öleşe 56.4%, respublikanıqı –28%, ä Qazannıqı nibarı 15.6% täşkil itäçäk. Qısqası, kiläse yılğı büdjet bıyılğısına qarağanda, 3 milliard sumğa sıyıgraq bulıp çığa. Näticädä küp kenä tarmaqlar finanslanmıyça qalaçaq.

Qazan yätimnäreneñ yılawın xäterlätkän çığışlar, beryäqtan tıñlawçılarnı borçuğa salsa, ikençe yaqtan añlaşıla ide. Çönki kiläse düşämbedä Tatarstan parlamentı respublika byudjetın ikençe häm öçençe uqılışta qarayaçaq. Anda, älbättä, üzgäreşlär bulçaq. Şuña da Qazan deputatları qatıraq yılap, xälneñ möşkellegen respublika parlamentına citkerergä tırıştılar. Qazanğa birelä torğan aqça öleşen arrtırunı sorap, Tatarstan Däwlät Şurasına möräcäğät qabul itelde.

XS
SM
MD
LG