Accessibility links

Кайнар хәбәр

Frantsiәdә qulğa alınğan 4 islamçı, terror ğәmәllәren qılırğa cıenğan


Tentü waqıtında alarnıŋ fatırlarında şartlatqıç yasaw өçen cihazlarnıŋ tabıluwı – monıŋ dәlile bulıp tora, dide eçke eşlәr ministrı Nikolә Sarkozi. Ministr belderğәnçә, qulğa alınuçılardan ike keşe - Pankisi tarlawığındağı lagerlarda bulıp, çeçen qır komandirları belәn oçraşqan. Tağı berse – Afganstanda taliplar yağında suğışqan.

Bügen Paricda şulay uq, Evropa berlegeneŋ politsiәse – Evropol, Amerika xoquq saqlaw oyışmaları belәn mәğlümәt almaşu turında kileşü tөzede. Bu kileşü terrorçılıqta gәyeplәnğәn keşelәrneŋ şәxsi tormışına qağılışlı mәğlümәtlәrne tapşırunı da küz aldında tota. Evropolda, Evropa Berlegenә kerğәn 15 ildә cielğan mәğlümәtlәr tuplana. Anda keşe isemnәren, adresslarnı, bank xisapların tabıp bula. Evropol tuplanması belәn xәzer Amerika belgeçlәre dә tanışa alaçaq. Xoquq yaqlawçılar, bu kileşü, keşeneŋ şәxsi tormışına tıqşınmaw prinstibına zıyan kitererğә mөmkin, dip borçılu belderә. Lәkin, Evropol qağıdәlәrendә әytelğәnçә, Evropa Berlegeneŋ hәr әğzәse Amerikağa mәğlümәt birüğә çiklәw quyarğa mөmkin.
XS
SM
MD
LG