Accessibility links

шимбә, 3 декабрь 2016, Казан вакыты 20:37

Farsı qultığındağı 6 däwlät wäkilläreneñ oçraşuı Ğiraq Prezidentı Säddam Xösäyenne bu illärgä yanawda ğäyepläw belän tämamlandı.


Dohadağı oçraşuda Küwäyt Farsı Qultığı Xezmättäşlek Şurasın Säddamnıñ bu aydağı çığışına qarata qatı pozitsiädä torunı belderergä çaqırdı. Säddam üz çığışında 1990-nçı yılda Küwäytkä basıp kerü öçen ğafu ütenü belän bergä Küwäytkä yanaw dip qabul itelgän belderü dä yasadı. Farsı Qultığı Xezmättäşlek Şurasınıñ General’ Sekretare Adbir Raxman Attiya Säddamnıñ belderüe Küwäykä häm şura äğzalarına yanaw buldı dide. Ul Säddamnıñ belderüen şulay uq üz eşlärenä tıqşınu bularaq bäyäläde. Şurağa kerüçe Bahreyn, Küwäyt, Oman, Qatar, Söğüd Ğärabstanı häm Berläşkän Ğäräp Ämirlekläre Ğiraqnı BMO qoral tikşerüçeläre belän xezmättäşlekkä çaqırdı. Şura äğzaları Waşington Ğiraqqa höcüm başlamas dip ömetlänüläre turında belderde. Şura äğzaları şulay uq kiläse ay başında 5 protsentlıq berläşterelgän urtaq tarifqa küçü turında kileşte.

XS
SM
MD
LG