Accessibility links

җомга, 9 декабрь 2016, Казан вакыты 16:47

Däwlät Şurası 2003 yılğa büdjet qaraldı


Düşämbe könne Tatarstanda Däwlät Sovetınıñ sessiäse üzeneñ eşen däwam itterde. Berniçä atna elek Tatarstan parlamentı 2003 yılğa büdjetnı berençe uqılışta qabul itep tänäfeskä çıqqan ide. Xäzerge cıyılış ağımdağı yılnıñ soñğı sessiäse bulırğa mömkin. Şuña kürä, kön tärtibenä kertelgän mäs’älälärneñ sanı 30 dan artıp kitä. Düşämbe kön buyı diärlek deputatlar büdjet proyektın tikşerdelär. Aqça bülü, ayırım oyışmalarğa, rayonnarğa bülengän aqçanıñ külämen zuraytu yäki keçeräytü tiräsendä tartqalaş ozaq bardı. İñ möhim intriga, älbättä, Qazan şähäreneñ deputatları küptän tügel cıyılıp, Qazanğa bireläse aqçalarnıñ bermä-ber kimetelüe turındağı moñ-zarları. “Efir” telekompaniäseneñ reportajlarında häm “Adımnar” dip atalğan tatarça tapşıruda respublika xökümäteneñ Qazan xastaxanälären, militsiäsen, kommunal' xucalıq xezmätkärlären aqçasız qaldıruı turında bersennän-berse qaynarraq süzlär äytelde. “Vostoçnıy ekspress” gazetası isä, şähär xakimiäte deputatlarnı krokodil küz yäşläre çığarırğa quşa, dip yazıp çıqtı. Soñğı yılda respublika xökümäte, ministrlıqlar rayonnardağı administratsiä büleklären üz qaramaqlarına aldılar. Şuña kürä, şähär, rayon büdjetları belän respublikanıñ xökümät çığımnarı arasındağı mönäsäbätlärne ber yartısız añlap bulmıy.

Sessiä çağıştırmaça tınıç bara. Älbättä, aqça bülü, kiläse yılnıñ ömet häm moñ-zarları bik zur nerva çığımnarı belän dä bäyle. Bu sessiädä qaralası möhim tağın ber mäs'älä bar. Ul da bulsa, Tatarstan xalıqları telläre turındağı zakon häm Däwlät programmasınıñ ütäleşe. 10 yıl eçendä Tatarstandağı tellär, iñ berençe çiratta däwlät telläre, ni qädär üskän häm nığığan. Bu Tatarstandağı xalıqlarnıñ ruxi xäläten häm tatar milläteneñ yazmışın çağıldırğan sürät nindi bulır? Xäzergä älege mäsäläneñ niçek qaraluı turında söylärgä irtäräk.

XS
SM
MD
LG