Accessibility links

шимбә, 10 декабрь 2016, Казан вакыты 04:18

Qazan-Çabaqsar araları yaqınaya


Millät yañalıqlarına kilgändä, älegä xätle Çuwaşstan milli oyışmalarınıñ Tatarstan belän, andağı milli oyışmalar belän mönäsäbätläre bik äybät tügel ide. Läkin soñğı aralarda üzgäreşlär bar. Çuwaşstan tatar ictimaği üzägenä citäkçe itep Färit Ğıybatdinov saylanğaç, Qazan-Çabaqsar araları yaqınaya töşte. Älegä xätle Çuwaşstandağı tatar millätçeläre Bötendönya tatar kongressı barlığın barmı-bar dip kenä qarağan bulsa, Färit isä kongress belän xezmättäşlek itä başladı. Bu könnärdä genä Färit Ğıybatdinov eşmäkär Ğädelcanov belän bergä Qazanda bulıp kittelär. Alar Tatar kongressı oyıştırğan Yıllıq yomğaq yasaw cıyılışında qatnaştılar. Älege tantanada millät eşendä zur xezmätlär kürsätkän törle töbäklärdäge millättäşlärebezne büläklädelär. Läkin Çuwaşstannan da büläkläwgä layıq dip ike keşe kürsätelgän bulsa da, alarğa büläk tätemäde. Läkin Färit Ğıybatdinov süzlärenä qarağanda, bu küñel töşenkelegenä säbäp bula almıy, çönki tatar kongressı belän Çuwaşstan tatar ictimaği üzäge arasında xezmättäşlek başlandı ğına äle.

Räfis Cämdixan, Çuwaşstan

XS
SM
MD
LG