Accessibility links

якшәмбе, 11 декабрь 2016, Казан вакыты 05:16

Ğıraq xakimiәtlәre, BMO tikşerüçelәrenә yәrdәm itü yөzennәn, ilğә Amerikanıŋ Üzәk qüzlәw agentlığı belgeçlәren kerterğә әzer


BMO qorall tikşerüçelәre küplәp yuq itü qoralların inde 24nçe kөn әzli. Ğıraq xakimiәtlәre, BMO tikşerüçelәrenә yәrdәm itü yөzennәn, ilğә Amerikanıŋ Üzәk qüzlәw agentlığı belgeçlәren kerterğә әzer buluwın belderde. Bu tәqdimne Ğıraq prezidentınıŋ kiŋәşçese Amir al-Saadi yasadı. Yaqşәmbe kөnne ul, 4 atnalıq tikşerülәr waqıtında ber nәrsәdә tabılmadı, dimәk Amerikanıŋ Ğıraqqa qarata yaŋğıratqan ğәyeplәwlәre – nigezsez yalgan bulıp tora, dip әytte. Aq yort wәkile Waşingtonda çığış yasap, Berlәşkәn Millәtlәr Oyışması rezolutsiәse nigezendә, üzeneŋ progammalar turında tulı mәğlümәtne açıqlap, Ğıraq, üze qoralsızlanırğa tieş, dide.

Kiçә, Sәqüt Ğәrәpstanı, BMO Ğıraqqa qarşı xәrbi çaralar başlawnı rөxsәt itkәn oçraqta, amerikan oçqıçlarına üzeneŋ hawa kiŋleklәren birәçәgen belderde.

Xalıqara atom agentlığı belgeçlәre bügen, küplәp yuq itü qoralları hәm anı yasaw turında xalıqtan soraştıra başladı. Bu xaqta Xalıqara atom agentlığı citәkçese Mөxәmmәt Әl- Baradey belderde. Anıŋ süzlәrençә, xәzer iŋ mөhime, belgeçlәr belәn sөylәşerğә telәğәn keşelәrneŋ iminlegen tәemin itü. Xәzer andıy keşelәrne hәm alarnıŋ ğailәlәren Ğıraqtan alıp çığuğa әzerlek bara. Şul arada Berlәşkәn Millәtlәr Oyışmasınnan qoral tikşerüçelәre Ğıraqtağı qorılmalar qarawın dәwam itә.

XS
SM
MD
LG